গুৱাহাটী, ১৫ ছেপ্টেম্বৰ : আজি অভিযন্তা দিৱস । অভিযন্তা দিৱসৰ পৱিত্ৰ দিনটোত অল আছাম ইঞ্জিনিয়াৰ এছ'চিয়েশ্যনে (এ.এ.ই.এ.) বিশেষকৈ অভিযন্তা সকলক শুভেচ্ছা জনাইছে । এছ'চিয়েশ্যনৰ সভাপতি কৈলাশ শৰ্মাই, কাৰ্যকৰী সভাপতি নৱ জে ঠাকুৰীয়া আৰু সম্পাদক ইনামুল হাইয়ে এক বিবৃতি যোগে অভিযন্তা দিৱসৰ লগতে বিশ্বকৰ্মা পূজাৰ (১৭ ছেপ্টেম্বৰ) শুভেচ্ছা জনায় ।
উল্লেখ যে, বিভিন্ন তাৰিখত কেইবাখনো দেশত অভিযন্তা দিৱস পালন কৰা হয় । 15 ছেপ্টেম্বৰত ভাৰতত (শ্ৰীলংকা আৰু তাঞ্জানিয়াতো) অভিযন্তা দিৱস উদযাপন কৰা হয় । অভিযন্তাসকলক প্ৰতিখন ৰাষ্ট্ৰৰ মেৰুদণ্ড স্বৰূপ । ভাৰতৰ প্ৰায় ৪০০০ তকৈও অধিক প্ৰতিষ্ঠানৰ পৰা প্ৰতি বছৰে ১.৫ নিযুততকৈও অধিক অভিযন্তা ওলায় ।
ভাৰতৰ অভিযান্ত্ৰিক মহাবিদ্যালয় আৰু বিশ্ববিদ্যালয়ত নামভৰ্তি কৰাৰ বাবে লাখ লাখ উচ্চাকাংক্ষী শিক্ষাৰ্থীয়ে প্ৰৱেশ পৰীক্ষাত অৱতীৰ্ণ হয় ৷ য'ত শিক্ষাৰ্থীসকলক অসামৰিক, যান্ত্ৰিক, বৈদ্যুতিক, বৈমানিক, ৰাসায়নিক, পৰিৱেশ, ইলেক্ট্ৰনিক্স, কম্পিউটাৰ বিজ্ঞান আদিৰ দৰে অভিযান্ত্ৰিক শাখাত নাম ভৰ্তি কৰা সুবিধা প্ৰদান কৰা হয় ৷
লগতে পঢ়ক:কাৰ পেটলৈ গ’ল সাৰ কাৰখানাৰ ১২ হাজাৰ কোটি টকা : প্ৰশ্ন প্ৰণতি ফুকনৰ
