নিউজ ডেস্ক, 6 ফেব্ৰুৱাৰী: আবকাৰী বিভাগৰ অভিযানত গহপুৰৰ পৰা জব্দ হ'ল অৰুণাচলত তৈয়াৰী 586 বটল সুৰা ৷ বিশ্বনাথ জিলাৰ গহপুৰৰ চন্দামাৰী গাঁৱৰ দিলীপ হাজৰিকা নামৰ এজন লোকৰ ঘৰত অভিযান চলাই ইআইবি (এক্সাইজ ইন্টেলিজেন্স ব্যুৰ') গুৱাহাটীয়ে সুৰাৰ বটলসমূহ জব্দ কৰে ৷ শনিবাৰে এই অভিযান চলাই ইআইবিয়ে উক্ত সুৰাৰ বটল সমূহ জব্দ কৰে ৷
ইআইবিৰ বিষয়াই জানিবলৈ দিয়া মতে জব্দকৃত সুৰা সমূহ অৰুণাচল প্ৰদেশৰ লগতে অসমত বিক্ৰি কৰাৰ উদ্দেশ্যে ৰাখি থোৱা হৈছিল ৷ জানিব পৰা মতে অভিযুক্ত ব্যক্তিজনক অধিক তদন্তৰ বাবে গহপুৰস্থিত আবকাৰী বিভাগৰ পৰিদৰ্শকৰ হাতত গটাই দিয়া হৈছে ৷