গুৱাহাটী,1 জুলাই: ৰাজ্যত এতিয়া চৌদিশে কেৱল দুৰ্নীতিৰ পোহাৰ ৷ এই দুৰ্নীতিত নিমজ্জিত হৈছে স্বয়ং মুখ্যমন্ত্ৰী,দুৰ্নীতি নিবাৰক কোষৰ বিষয়া আৰু একাংশ আৰক্ষী বিষয়া ৷ এই গুৰুতৰ অভিযোগ দুৰ্নীতি বিৰোধী যুৱ শক্তি,অসমৰ ৷ সোমবাৰে গুৱাহাটী প্ৰেছ ক্লাৱত এক সংবাদমেলত বৰ্তমান ৰাজ্য চৰকাৰখনে বিভিন্ন বিভাগত দুৰ্নীতি সংঘটিত হৈ থকা মন্তব্য কৰে সংগঠনটোৰ একাংশ কৰ্মীয়ে ৷
মহানগৰীৰ গেম ভিলেজৰ কাষৰ এডোখৰ মাটিত বহুসংখ্যক ট্ৰেক্টৰ পেলাই থোৱা সম্পৰ্কত সংগঠনটোৱে মুখ্যমন্ত্ৰীৰ দুৰ্নীতি আৰু তদাৰকী কোষৰ মহাপৰিদৰ্শক অনুৰাগ টাংখাক অৱগত কৰিছিল যদিও আজি পৰ্যন্ত কোনো ধৰণৰ ফল নধৰিল ৷ কেৱল মাত্ৰ ব্যৱস্থা গ্ৰহণ কৰা হ'ব বুলি মন্তব্য কৰিয়েই দায়িত্ব সামৰে তেওঁ ৷ ইয়াৰ পাচতে বশিষ্ট আৰক্ষী থানাত এক গোচৰ তৰিছিল যদিও ঘটনাৰ দহটা দিন অতিক্ৰম কৰাৰ পাছতো গোচৰেই পঞ্জীয়ন নকৰিলে আৰক্ষীয়ে ৷ ইয়াৰ বিপৰীতে টেক্ট্ৰৰ ৰখা স্থানৰ পৰা আতৰাই লৈ গ'ল বহু পৰিমাণৰ টেক্ট্ৰৰ ৷ গতিকে জনসাধাৰণৰ বাবে আৱন্টিত এই সমূহ টেক্ট্ৰৰ গোপনে মুকলি বজাৰত বিক্ৰী কৰাৰ সন্দেহ প্ৰকাশ কৰিছে সংগঠনটোৱে সেয়ে অতি শীঘ্ৰে এই বিষয়ে তদন্ত হ'ব লাগে দাবী তুলে সংগঠনটোৱে ৷
