গুৱাহাটী, 13 মে’ : পুনৰ মহানগৰীত সংঘটিত হৈছে এক চাঞ্চল্যকৰ ঘটনা ৷ গুৱাহাটীৰ হাতীগড় চাৰিআলিস্থিত মন্দাকিনী এপাৰ্টমেন্টত উদ্ধাৰ এগৰাকী অভিযন্তাৰ মৃতদেহ (Dead body recovered in Guwahati) ৷ অভিযন্তাগৰাকীৰ নাম মৃণাল কলিতাৰ ৷ শুকুৰবাৰৰ পুৱা নিজৰ কোঠাৰ ভিতৰতে উদ্ধাৰ হয় অভিযন্তা মৃণাল কলিতাৰ মৃতদেহটো ৷
তথ্য অনুসৰি, জনস্বাস্থ্য বিভাগৰ অভিযন্তা(PHED) আছিল মৃণাল কলিতা ৷ পৰিয়ালৰ অভিযোগ, চুৰিৰে নিজে ডিঙি ৰেপি আত্মহত্যা কৰে অভিযন্তা মৃণাল কলিতাই ৷ কাৰ্যালয়ত অত্যাধিক কামৰ হেঁচাৰ বাবেই আত্মহত্যাৰ পথ বাচি লোৱাৰ অভিযোগ তুলিছে পৰিয়ালৰ লোকে ৷
ইতিমধ্যে ঘটনাস্থলীত উপস্থিত হৈছে গীতানগৰ আৰক্ষীৰ এটা দল ৷
আৰক্ষীৰ দলটোৱে সকলো দিশ তন্ন-তন্নকৈ কৰিছে নিৰীক্ষণ কৰিছে ৷ অৱশ্যে এই ঘটনা প্ৰকৃততে আত্মহত্যা নে হত্যা সেই সন্দৰ্ভত আৰক্ষীয়ে আৰম্ভ কৰিছে তদন্ত ৷ আৰক্ষীৰ তদন্তৰ পাচতহে পোহৰলৈ আহিব সকলো তথ্য ৷ এই ঘটনাক কেন্দ্ৰ কৰি অঞ্চলটোত সৃষ্টি হৈছে এক উত্তেজনাময় পৰিস্থিতি ৷
লগতে পঢ়ক : কঠাল পুখুৰী ৰে’ল ষ্টেচনৰ সমীপত উদ্ধাৰ ছমহীয়া শিশুৰ মৃতদেহ
