গুৱাহাটী,25 জানুৱাৰী : সমাগত বিধানসভা নিৰ্বাচনৰ দিন চমু চাপি অহাৰ লগে লগে নিৰ্বাচন কেন্দ্ৰিক তৎপৰতা বৃদ্ধি পাইছে ৰাজনৈতিক দলসমূহৰ মাজত । ৰাজ্যৰ ভিন্ন প্ৰান্তত ৰাষ্ট্ৰীয়তাবাদী দলসমূহৰ হাই প্ৰফাইল নেতাসকলে ৰাজনৈতিক সভা অনুষ্ঠিত কৰি চমক সৃষ্টি কৰাৰ সমান্তৰালকৈ সমষ্টিয়ে সমষ্টিয়ে প্ৰাৰ্থীত্ব প্ৰয়াসীয়ে চলাইছে ব্যাপক প্ৰচাৰ অভিযান ।
শাসকীয় দলৰ ১০০+ মিচন কেনেকৈ সফল হ'ব ? বিৰোধীৰ ‘সংখ্যালঘু’ ভোটাৰে কিয় বিজেপিক আকোঁৱালি ল’ব ? উলেমা কাউন্সিলৰ সৈতে বিজেপিৰ সম্পৰ্ক কি ? 37 নং পূৱ গোৱালপাৰা সমষ্টিত কোনে ‘মমিনুল আৱাল মুৰ্দাবাদ’ ধ্বনি দি পুত্তলিকা দাহ কৰিছে ? সকলো প্ৰশ্নৰ উত্তৰ দিয়াৰ লগতে সংখ্যালঘু উন্নয়ন ব’ৰ্ডৰ ৫ বছৰীয়া খতিয়ান ইটিভি ভাৰতযোগে প্ৰকাশ কৰে বিজেপি নেতা মমিনুল আৱালে ৷
সমাগত নিৰ্বাচনক লৈ পূৰ্ণগতিত প্ৰস্তুতি চলাইছে জ্যেষ্ঠ বিজেপি নেতাগৰাকীয়ে ৷ এইবাৰো ৰাজ্যত বিজেপিয়ে চৰকাৰ গঠন কৰিব বুলি নেতাগৰাকী আশাবাদী ৷ ইফালে উলেমা কাউন্সিলৰ ৰছিদ মৌলানাক চিনি নোপোৱাৰ কথা ব্যক্ত কৰে মমিনুল আৱালে ৷
তেওঁ উলেমা কাউন্সিল আৰু বিজেপিৰ মাজৰ সম্পৰ্কৰ বিষয়ে বিৰোধী দলে ভুৱা প্ৰচাৰ চলোৱা বুলি উল্লেখ কৰে ৷ আগন্তুক বিধানসভা নিৰ্বাচনত 100+ মিচনত সফল হ’বলৈ ৰাইজে সহায় আগবঢ়াব বুলি তেওঁ উল্লেখ কৰে ৷
লগতে পঢ়ক : অসম আৰক্ষীৰ কেইবাগৰাকীয়ো বিষয়ালৈ বিশেষ ৰাজ্যিক সন্মান
