সংবাদ মাধ্যমৰ ওপৰত আক্ৰমণ আৰক্ষীৰ

প্ৰাগনিউজ মুখ্য কাৰ্যালয়ত বলপূৰ্বকভাৱে প্ৰৱেশ কৰি কৰ্মচাৰীসকলৰ ওপৰত আক্ৰমণ অসম আৰক্ষী জোৱানৰ ৷ গুৰুতৰভাৱে আহত দুজন সংবাদকৰ্মী ৷

গুৱাহাটী,12 ডিচেম্বৰ: প্ৰাগ নিউজৰ সংবাদকৰ্মীৰ ওপৰত আৰক্ষীৰ আক্ৰমণ ৷ অসমৰ সংবাদ মাধ্যম প্ৰাগ নিউজৰ কাৰ্যালয়ত আৰক্ষীয়ে প্ৰৱেশ কৰি প্ৰহাৰ কৰে দুজন সংবাদকৰ্মীক ৷ চিচি টিভি কেমেৰাত আবদ্ধ হয় এই সম্পূৰ্ণ ঘটনা ৷

সন্ধিয়া 5.28 বজাৰ সময়ত উলুবাৰীস্থিত প্ৰাগ নিউজৰ মুখ্য কাৰ্যালয়ত 20 জনীয়া আৰক্ষী জোৱানৰ দলে বলপূৰ্বকভাৱে প্ৰৱেশ কৰে ৷ কাৰণবিহীনভাৱে নিউজ চেনেলটোৰ কিছু কৰ্মচাৰীৰ ওপৰত নিৰ্বিচাৰভাৱে প্ৰহাৰ কৰে আৰক্ষী জোৱান দলটোৱে ৷ আৰক্ষীৰ এই বৰ্বৰ আক্ৰমণত হীৰক কলিতা আৰু দিগন্ত দাস নামৰ দুজন কৰ্মচাৰী গুৰুতৰ ভাৱে আহত হয় ৷

এই আক্ৰমণ ঘটনাৰ বাবে মুখ্যমন্ত্ৰী আৰু অসম আৰক্ষী সঞ্চালক প্ৰধানক চৰ্তহীনভাৱে ক্ষমা খুজিবলৈ চতুৰ্থ ষ্টেট দাবী(Fourth Estate Demand) জনাই প্ৰাগ নিউজৰ পৰিচালনা সম্পাদক প্ৰণয় বৰদলৈয়ে ৷ বৰ্তমান এই ঘটনাকলৈ তীব্ৰ প্ৰতিক্ৰিয়াৰ প্ৰকাশ কৰিছে বিভিন্ন ৰাজনৈতিক-অৰাজনৈতিক দল-সংঠনে ৷