নিউজ ডেস্ক, 1 নৱেম্বৰ : অসমত পুনৰ বৃদ্ধি পাইছে কৰ’ণাত আক্ৰান্ত লোকৰ সংখ্যা ৷ অসমত দেওবাৰ পুনৰ 212 জন লোক আক্ৰান্ত হৈছে ক’ভিডত ৷ কামৰূপ মেট্ৰ’ত সৰ্বাধিক 96 গৰাকী লোক আক্ৰান্ত হৈছে ক’ভিডত ৷ আনহাতে মৃত্যু হৈছে এজন লোকৰ ৷
অসমৰ স্বাস্থ্যমন্ত্ৰী কেশৱ মহন্তই দেওবাৰে নিশা নিজ টুইটাৰ একাউন্টত প্ৰকাশ কৰে এই তথ্য ৷ মন্ত্ৰীগৰাকীয়ে সদৰি কৰা অনুসৰি, দেওবাৰৰ দিনটোত ৰাজ্যত 15,060 গৰাকী লোকৰ ক’ভিড টেষ্ট কৰা হয় আৰু ইয়াৰে 212 জন লোকৰ দেহত পোৱা হয় ক’ভিড পজিটিভ ৷ ৰাজ্যত সম্প্ৰতি আৰোগ্য লোকৰ হাৰ হৈছে 98.42% ৷
আনহাতে, দেশত সম্প্ৰতি 1,58,817 গৰাকী লোক ভাইৰাছবিধৰ দ্বাৰা আক্ৰান্ত হৈছে আৰু মৃতকৰ সংখ্যা 4,58,437 গৰাকীলৈ বৃদ্ধি পাইছে ৷ বিগত ২৪ ঘণ্টাত ১২,৫১৪ গৰাকী লোক নতুনকৈ কৰ’ণা ভাইৰাছত আক্ৰান্ত হৈছে আৰু ২৫১ গৰাকী আক্ৰান্ত লোক মৃত্য়ুমুখত পৰিছে ৷
লগতে পঢ়ক : গুৱাহাটীৰ এটা অঞ্চলক কৰা হ'ল কণ্টেইনমেণ্ট জ'ন
