খেল’ ইণ্ডিয়াত অসমৰ বক্সিং খেলুৱৈৰ সৈতে পক্ষপাতিত্বৰ অভিযোগ

বুধবাৰে অন্তিম দিনৰ অসমৰ প্ৰথমখন ফাইনেল খেলত প্ৰিয়ংকা বৰাৰ ক্ষেত্ৰতো পক্ষপাতিত্বৰ অভিযোগ উত্থাপিত হয় ৷ অসম বক্সিঙ দলৰ মুখ্য প্ৰশিক্ষক অমৰ ডেকাই অসমৰ ফলাফল সমুহৰ ক্ষেত্ৰত অসন্তুষ্ট প্ৰকাশ কৰি কয় এনেধৰণৰ পক্ষপাতে ভাৰতৰ বক্সিং জগতক আগুৱাই নিয়াত বাধাৰ সৃষ্টি কৰিব ৷ অংকুশীতা মেচৰ পূৰ্বে চিন্তিত আছিল যদিও অংকুশীতাৰ প্ৰদর্শনত আমি সন্তুষ্ট কিন্তু প্ৰিয়ংকা বৰাৰ ফলাফলকলৈ আমি অসন্তুষ্ট ।

গুৱাহাটী, 22 জানুৱাৰীঃ বুধবাৰে সমাপ্তি ঘটে তৃতীয় খেলো ইণ্ডিয়াৰ ৷ সমান্তৰালকৈ মহানগৰীৰ ছাই ফিল্ডত অনুষ্ঠিত হোৱা বক্সিঙৰ ফাইনেল মেচ সমূহৰো অন্ত পৰে বুধবাৰে ৷ বক্সিঙত অসমৰ খেলুৱৈসকলে ৰাজ্যখনৰ বাবে অধিক স্বৰ্ণ পদক লাভ কৰিব বুলি বক্সিঙৰ খেল সমূহৰ আৰম্ভনিতে আভাষ পোৱা গৈছিল যদিও বাস্তৱত ইয়াৰ ওলোটা ছবিহে দেখিবলৈ পোৱা গ'ল ৷ ছেমি ফাইনেলৰ মেচ সমূহৰে পৰা অসমৰ বক্সিঙ খেলুৱৈ সকলৰ লগত পক্ষপাতৰ অভিযোগ উত্থাপিত হয় ৷ অসমৰ কেইবাগৰাকী খেলুৱৈৰ ভাল প্ৰদৰ্শনৰ পিছতো খেলুৱৈ সকলক পৰাজয় ঘোষণা কৰাত অসন্তুষ্ট প্ৰকাশ কৰিবলৈ ধৰিলে অসম বক্সিং মুখ্য প্ৰশিক্ষক অমৰ ডেকাৰ লগতে ৰাজ্যৰ ক্ৰীড়াপ্ৰেমী ৰাইজ ৷ ফাইনেল খেলা অসমৰ ৫ গৰাকী খেলুৱৈৰ ভিতৰত মাত্ৰ এগৰাকীয়ে স্বৰ্ণ পদক লাভ কৰিবলৈ সক্ষম হয় ৷

উল্লেখ্য যে, বুধবাৰে অন্তিম দিনৰ অসমৰ প্ৰথমখন ফাইনেল খেলত প্ৰিয়ংকা বৰাৰ ক্ষেত্ৰতো পক্ষপাতিত্বৰ অভিযোগ উত্থাপিত হয় ৷ অসম বক্সিঙ দলৰ মুখ্য প্ৰশিক্ষক অমৰ ডেকাই অসমৰ ফলাফল সমুহৰ ক্ষেত্ৰত অসন্তুষ্ট প্ৰকাশ কৰি কয় এনেধৰণৰ পক্ষপাতে ভাৰতৰ বক্সিং জগতক আগুৱাই নিয়াত বাধাৰ সৃষ্টি কৰিব ৷ অংকুশীতা মেচৰ পূৰ্বে চিন্তিত আছিল যদিও অংকুশীতাৰ প্ৰদর্শনত আমি সন্তুষ্ট কিন্তু প্ৰিয়ংকা বৰাৰ ফলাফলকলৈ আমি অসন্তুষ্ট । প্ৰিয়ংকা এগৰাকী অতি ঠাণ্ডা মগজৰ আৰু অতি কৌশলেৰে খেলা খেলুৱৈ, তাই ক্ষেত্ৰত যদিত ফলাফল ঘোষণা কৰা হ'ল এই ফলাফল স্বীকাৰ কৰিব নোৱাৰি ৷

লগতে পঢ়ক-এটা উৰুখা পঁজা আৰু এটি বৃদ্ধ দম্পত্তীৰ মৰ্মান্তিক জীৱন গাথা !