গুৱাহাটী, 3 আগষ্টঃ শীঘ্ৰে খোৱাপানীৰ সমস্যাৰ পৰা পৰিত্ৰাণ পাব মহানগৰীবাসীয়ে । আগন্তুক 90 দিনৰ ভিতৰত মহানগৰবাসীয়ে পাব খোৱাপানী । প্ৰথম পৰ্যায়ত প্ৰায় তিনি হাজাৰ পৰিয়ালে পাব পানী । জালুকবাৰী, মালিগাঁও, কামাখ্যা, ভূতনাথ অঞ্চলত প্ৰথম পৰ্যায়ত যোগান ধৰা হ'ব খোৱাপানী । শনিবাৰে মহানগৰীৰ মালিগাঁও, পাণ্ডু, কামাখ্যা, জালুকবাৰী আৰু গেমনৰ পানী যোগান প্ৰকল্প পৰিদৰ্শন কৰি এই কথা জানিবলৈ দিয়ে GMDAৰ অধ্যক্ষ অশোক সিংহালে । তাৰোপৰি প্ৰথম পৰ্যায়তে শক্তিপীঠ কামাখ্যা ধামতো যোগান ধৰা হ'ব পানী । মুঠৰ ওপৰত মহানগৰবাসীৰ দীৰ্ঘদিনীয়া এটা সমস্যা পূৰণ হোৱা পথত । সকলোৱে আশা কৰিছে যে GMDAৰ অধ্যক্ষগৰাকীয়ে কোৱা ধৰণে কাৰ্যক্ষেত্ৰত পৰিণত হ'ব এই ঘোষণা ।
দূৰ হোৱা পথত খোৱাপানী সমস্যা
