গুৱাহাটী, 28 জুলাইঃ ৰাজ্যৰ বন্যাৰ্তক সহায়ৰ বাবে আগবাঢ়ি আহিছে মন্ত্ৰী-বিধায়কৰ লগতে বিভিন্নজন । এইবাৰ বানাক্ৰান্তৰ বাবে আৰ্থিক সাহায্য প্ৰদান কৰে মৰাণ বিধানসভা সমষ্টিৰ বিধায়ক চক্ৰধৰ গগৈ আৰু চাবুৱাৰ বিধায়ক বিনোদ হাজৰিকাই । দুয়োগৰাকী বিধায়কে মুখ্যমন্ত্ৰী বান সাহায্য পুঁজিলৈ আগবঢ়াই আৰ্থিক অনুদান । চক্ৰধৰ গগৈয়ে ৫০,১০১ আৰু বিনোদ হাজৰিকাই ৫০,০০০ টকাৰ চেক মুখ্যমন্ত্ৰী সৰ্বানন্দ সোণোৱালৰ হাতত অৰ্পণ কৰে । তাৰোপৰি কুশল নগৰ নামঘৰ সমিতিৰ হৈ ২১,০০০ টকাৰ চেক মুখ্যমন্ত্ৰীক অৰ্পণ কৰে বিধায়ক চক্ৰধৰ গগৈয়ে । ইফালে মৰাণৰ বিধায়কগৰাকীয়ে বানপানীৰ স্থানী সমাধান বিচাৰি মুখ্যমন্ত্ৰীৰ হাতত এখন স্মাৰক পত্ৰ প্ৰদান কৰে ।
