গুৱাহাটী, ১১ জানুৱাৰী : বিভিন্ন ৰাজ্যত অনুষ্ঠিত হ'বলগীয়া বিধানসভা নিৰ্বাচনৰ বাবে বিজেপি চৰকাৰে নাগৰিকত্ব সংশোধনী আইনখনক (কা) লৈ কোনো স্থিতি গ্ৰহণ কৰা নাই । এই অভিযোগ প্ৰদেশ কংগ্ৰেছৰ জ্যেষ্ঠ মুখপাত্র মনজিৎ মহন্তৰ । উল্লেখযোগ্য যে, 'কা'ৰ বিধি-নিয়ম প্ৰস্তুতৰ ম্যাদ ৯ জানুৱাৰীত উকলি যোৱাৰ পাছতো চৰকাৰখনে কোনো ব্যৱস্থা গ্ৰহণ কৰা নাই ।
মোদী চৰকাৰে তৎপৰতাৰে 'কা' প্ৰণয়ন কৰিলে যদিও বলৱৎ তথা কার্যকৰী কৰাৰ ক্ষেত্রত ততােধিক বিলম্বিত প্রক্রিয়াৰ আশ্রয় লৈছে (Modi government delaying implementation of CAA) । বিধি প্রস্তুত কৰাৰ বাবে কেন্দ্রীয় গৃহমন্ত্রণালয়ে লােৱা তৃতীয়টো বর্ধিত সময়সীমা ৯ জানুৱাৰীত উকলি গৈছে । 'কা'ক লৈ সমগ্ৰ বিষয়টো এতিয়াও অস্পষ্ট হৈ আছে । এই সন্দৰ্ভত প্ৰতিক্ৰিয়া প্ৰকাশ কৰি প্ৰদেশ কংগ্ৰেছৰ মুখপাত্র মহন্তই কয় যে, বিভিন্ন ৰাজ্যৰ নিৰ্বাচন আহি থকা বাবে মোদী চৰকাৰে ভয় খাইছে ।
পুনৰ ৰাজনৈতিক অস্থিৰতাই দেখা দিব পাৰে বুলি বিজেপি চৰকাৰে 'কা' বলৱৎ কৰাৰ বিষয়টো পিছুৱাই আছে । তেওঁ কয় যে কংগ্ৰেছ দলে কোনো কাৰণতে 'কা' মানি নলয় । অসমৰ ৰাইজে তথা বিভিন্ন দল-সংগঠনেও 'কা'খন মানি নলয় । গতিকে এইখন বাতিল কৰিব লাগে বুলি তেওঁ কয় ।
উল্লেখ্য যে, বিধি প্রস্তুত কৰাৰ বাবে কেন্দ্রীয় গৃহমন্ত্রণালয়ে লােৱা তৃতীয়টো বর্ধিত সময়সীমা ৯ জানুৱাৰীত উকলি গৈছে (Government exceeds 3rd extended period for CAA implementation) । লােকসভা আৰু ৰাজ্যসভাৰ দুখনকৈ সংসদীয় সমিতিৰ পৰা কেন্দ্রীয় গৃহমন্ত্রণালয়ে লােৱা এই বর্ধিত সময়সীমাৰ অনুমতি আছিল বাধ্যতামূলক ।
অর্থাৎ, এই সময়সীমাৰ ভিতৰত তৃতীয় বর্ধিত সময়সীমা হিচাপে ২০২২ চনৰ ৯ জানুৱাৰীৰ ভিতৰত কেন্দ্রীয় গৃহ মন্ত্রণালয়ে ‘কা’ৰ বিধি প্রস্তুত কৰিব লাগিছিল আৰু তেতিয়াই কার্যতঃ বলৱৎ হ’লহেঁতেন ‘কা’। ইয়াৰ পূর্বে দুবাৰকৈ ক্রমে ২০২১ চনৰ ৯ এপ্রিললৈ প্ৰথমবাৰ আৰু ২০২১ চনৰ ৯ জুলাইলৈ দ্বিতীয়বাৰ কেন্দ্রীয় গৃহমন্ত্রণালয়ে লােকসভা আৰু ৰাজ্যসভাৰ দুখন সংসদীয় সমিতিৰ পৰা বর্ধিত সময়সীমা লৈয়াে ‘কা’ৰ বিধি প্রস্তুত কৰা নাছিল ।
লগতে পঢ়ক : Journalist Bikash Moran Commits suicide : তিনিচুকীয়াৰ জ্যেষ্ঠ সাংবাদিক বিকাশ মৰাণৰ আত্মহত্যা
