গুৱাহাটী 2 মে' : দেশত কৰ'ণা ভাইৰাছৰ প্ৰভাৱ ক্ৰমাৎ শোচনীয় হোৱাৰ ফলত 17 মে' লৈ বৃদ্ধি কৰা হৈছে লক্ ডাউন ৷ লক্ ডাউনৰ বাবে দেশৰ ভিন্ন ঠাইত আৱদ্ধ হৈ ৰৈছে কৰ্মসূত্ৰে বসবাস কৰা বহিঃৰাজ্যৰ লোক ৷ তাৰ মাজতেই উত্তৰ-পূৰ্বাঞ্চলৰ ৰাজ্যকেইখনত আৱদ্ধ অসমৰ লোকসকল নিজ নিজ ঘৰলৈ আহিব পাৰিব বুলি শনিবাৰে এখন সংবাদমেলত জানিবলৈ দিয়ে স্বাস্থ্যমন্ত্ৰী হিমন্ত বিশ্ব শৰ্মাই ।
মন্ত্ৰীগৰাকীয়ে কয় যে, উত্তৰ-পূৱৰ ৰাজ্যত যিসকল অসমৰ লোক আৱদ্ধ হৈ আছে তেওঁলোক ঘৰলৈ আহিব পাৰে ইয়াৰ বাবে কোনো ধৰণৰ ই-পাছ বা পাৰ্মিচনৰ প্ৰয়োজন নাই । কিন্তু ইয়াত ছিকিম ইয়াৰ অন্তৰ্ভুক্ত নহয় ।' 4 মে' ৰ পৰা 50 শতাংশ যাত্ৰীৰে ৰাতিপুৱা 6 বজাৰ পৰা সন্ধিয়া 6 বজালৈ ASTC বাছ চলাচলৰ সুবিধা মুকলি কৰা হ'ব । কিন্তু ইয়াতো কৰা হ'ব বিশেষ ব্যৱস্থা ৷ যিসকল যাত্ৰী গুৱাহাটীৰ পৰা ধেমাজি, লক্ষীমপুৰ, বিশ্বনাথ জিলালৈ যাব তেওঁলোকক তেজপুৰ মেডিকেলত পৰীক্ষা কৰা হ'ব ৷
ইয়াৰোপৰি ডিব্ৰুগড়, তিনিচুকীয়ালৈ যোৱা সকলক যোৰহাটত পৰীক্ষা কৰাৰ বিপৰীতে কৰিগঞ্জ, কাছাৰলৈ যোৱা সকলক শিলচৰত পৰীক্ষা কৰা হ'ব ৷ যদি তেওঁলোকৰ ফলাফল সন্দেহজনক হয় তেন্তে সেই ঠাইতে তেওঁলোকৰ ইচ্ছানুযায়ী চৰকাৰী খৰচত অথবা তেওঁলোকৰ নিজা খৰচত কোৱাৰেন্টাইন কৰোৱা হ'ব ৷ এতিয়াৰে পৰা সকলোৱে নিজা খৰচতো হোটেলত কোৱাৰেন্টাইনত থাকিব পাৰিব । ইয়াৰ বাবে চৰকাৰে হোটেল কৰ্তৃপক্ষৰ লগত কথা পাতি এটা নিৰিখ বান্ধি দিব । আনহাতে অসমৰ বাহিৰত থকা যিসকল লোক ঘূৰি নাহে তেওঁলোকক দুই তিনিমাহলৈ অসম চৰকাৰ ফালৰ পৰা প্ৰতিমাহে 2 হেজাৰ টকাকৈ আগবঢ়োৱা হ'ব বুলি ঘোষণা কৰে মন্ত্ৰী ডঃ হিমন্ত বিশ্ব শৰ্মাই ৷
-
Assam borders with all NE states except Sikkim to open from tomorrow to ease the return of stranded people. No pass is required for people travelling from these states.
— Himanta Biswa Sarma (@himantabiswa) May 2, 2020 " class="align-text-top noRightClick twitterSection" data="
All returnees to be screened at inter state borders for #COVID symptoms. #AssamCares
">Assam borders with all NE states except Sikkim to open from tomorrow to ease the return of stranded people. No pass is required for people travelling from these states.
— Himanta Biswa Sarma (@himantabiswa) May 2, 2020
All returnees to be screened at inter state borders for #COVID symptoms. #AssamCaresAssam borders with all NE states except Sikkim to open from tomorrow to ease the return of stranded people. No pass is required for people travelling from these states.
— Himanta Biswa Sarma (@himantabiswa) May 2, 2020
All returnees to be screened at inter state borders for #COVID symptoms. #AssamCares
উল্লেখ্য যে, দেশৰ ভিন্ন ৰাজ্যত আৱদ্ধ হৈ আছে অসমৰ প্ৰায় 21 লাখ লোক ৷ ইতিমধ্যে অসম চৰকাৰে ঘোষণা কৰা হেল্প লাইন নম্বৰলৈ ফোন কৰিছে প্ৰায় 7 লাখ লোকে আৰু তেওঁলোকৰ প্ৰায় সংখ্যকৰে সৈতে আছে অতি কমেও 3 জনকৈ ব্যক্তি ৷ সকলোৱেই এই সংকটপূৰ্ণ পৰিস্থিতি উলটি যাব খুজিছে অসমলৈ ৷ কিন্তু এই সময়ত যদি সকলোকে অসমলৈ ঘূৰি যোৱাৰ অনুমতি প্ৰদান কৰা হয়, তেন্তে অভাৱনীয় পৰিস্থিতিৰ সৃষ্টি হ'ব অসমত ৷ সেয়ে সকলোকে একে সময়তে অনাতো সম্ভৱপৰ নহয় বুলি জনাইছে মন্ত্ৰী শৰ্মাই ৷ অৱশ্যে ভাৰতৰ বিভিন্ন ৰাজ্যত থকা যিসকল অসমবাসী নিজা গাড়ীৰে অসমলৈ আহিব বিচাৰে, তেওঁলোকক 7428159966 নম্বৰত মিছকল দিয়াৰ লগতে assamtransportrelief@gmail.com মেইল কৰিবলৈ আহ্বান জনায় হিমন্ত বিশ্ব শৰ্মাই ।
লগতে পঢ়ক : বহিঃৰাজ্যত থকা অসমৰ লোকক আনিবলৈ সাজু ৰাজ্য চৰকাৰ
