গুৱহাটী, 10 জানুৱাৰী: " 2021 ত বিজেপিক পৰাভূত কৰিব পাৰিবই লাগিব । মই ভালেই আছো অসম বাসী ৰাইজ ভালে থাকক " কিছু সময় পূৰ্বে NIA ৰ জিম্মাৰ পৰা পোনে পোনে কাৰাগাৰলৈ লৈ যোৱা অখিল গগৈয়ে সংবাদ মাধ্যমক উদ্দেশ্যি এনেদৰে মন্তব্য কৰে ৷ ইয়াৰোপৰি প্ৰথমে "CAA" বাতিল তাৰ পিচত হে ৰাজনৈতিক দলক বিকল্প হিচাপে লোৱাৰ কথা চিন্তা কৰিবলৈ আহ্বান কৃষক নেতাগৰাকীৰ ৷
শুকুৰবাৰে অখিল গগৈক পুনৰ 10 দিনৰ জিম্মাত বিচাৰি NIA ই আৱেদন জনায় যদিও NIA ৰ আৱেদনক খাৰিজ কৰে আদালতে ৷ অখিল গগৈক পুনৰ 14 দিনৰ বাবে ন্যায়িক জিম্মালৈ প্ৰেৰণ কৰে আদালতে ৷ পৰিয়াল আৰু অধিবক্তাই ব্যক্তিগতভাৱে অখিল গগৈক সাক্ষাৎ কৰিব পাৰিব বুলি জানিবলৈ দিয়ে অধিবক্তাই ৷ আনহাতে শাৰিৰীকভাৱে কিছু অসুস্থ হৈ পৰা কৃষক নেতাগৰাকীক চিকিৎসাৰ বাবে যাৱতীয় ব্যৱস্থা লোৱাৰ আদেশ প্ৰদান কৰে আদালতে ৷
লগতে পঢ়ক: শুকুৰবাৰে নিয়া আদালতত হাজিৰ অখিল গগৈক
