গুৱাহাটী,11 জানুৱাৰী: অসম জাতীয় পৰিষদৰ কাৰ্যালয়ত যোগদান কাৰ্যসূচী ৷ সোমবাৰে দলটোত যোগদান কৰে অৱসৰপ্ৰাপ্ত আয়ুক্ত সচিব ধীৰেন্দ্ৰনাথ শইকীয়া, প্ৰদীপ কুমাৰ সিংহ, অসম মহিলা পৰিষদৰ ৰিনা শইকীয়া, বিপঞ্চি দাস, পৰশ মণি বৰা, মায়া ৰায়ৰ লগতে ৰাজ্যৰ কেইবাগৰাকীয়ো আগশাৰীৰ ব্যক্তিয়ে ৷ এই যোগদান কাৰ্যসূচীত উপস্থিত থাকে অসম জাতীয় পৰিষদৰ সভাপতি লুৰিণজ্যোতি গগৈ, মুখ্য উপদেষ্টা বসন্ত ডেকা, সাধাৰণ সম্পাদক জগদীশ ভূঞাৰ লগতে দলটোৰ কেইবাগৰাকীয়ো নেতা-কৰ্মী ৷
সাংবাদিকৰ আগত মন্তব্য কৰি সভাপতি লুৰিণজ্যোতি গগৈয়ে কয়, এজেপিৰ লগতে আন আঞ্চলিকতাবাদী দলসমূহক আগন্তুক নিৰ্বাচনত কেনেদৰে গ্ৰহণ কৰিব সেই বিষয়ে ৰাইজে সিদ্ধান্ত গ্ৰহণ কৰে ৷ নিৰ্বাচনত ৰাইজৰ দলৰে মিত্ৰতাৰ ইংগিত প্ৰদান কৰে লুৰিণজ্যোতি গগৈয়ে ৷ আনহাতে, বিজেপিৰ বিৰুদ্ধে সকলো আঞ্চলিক ৰাজনৈতিক শক্তিকে একত্ৰিত হোৱাৰ বাবেও আহ্বান জনায় অসম জাতীয় পৰিষদৰ সভাপতি গৰাকীয়ে ৷
