গুৱাহাটী বিশ্ববিদ্যালয়ত স্থাপন কৰা হ'ব লাচিত বৰফুকনৰ বৃহৎ আকাৰৰ প্ৰতিমূৰ্তি

লাচিত বৰফুকন অসম আৰ্হিৰ 7 নং ছাত্ৰাবাসৰ প্ৰাক্তন আৱাসীয়ে বিশ্ববিদ্যালয় চৌহদত স্থাপন কৰিলে লাচিত বৰফুকনৰ এক বৃহৎ আকাৰৰ প্ৰতিমূৰ্তি ৷  বিশিষ্ট শিল্পী বীৰেন সিংহই নিৰ্মাণ কৰিছে 18 ফুট উচ্চতাৰ লাচিতৰ প্ৰতিমূৰ্তিটো ৷

গুৱাহাটী , 17 নৱেম্বৰঃ গুৱাহাটীৰ বিশ্ববিদ্যালয়ৰ চৌহদত স্থাপন কৰা হৈছে মহাবীৰ লাচিত বৰফুকনৰ এক বৃহৎ আকাৰৰ প্ৰতিমূৰ্তি ৷ গুৱাহাটী বিশ্ববিদ্যালয়ৰ ঐতিহ্যমণ্ডিত অসম আৰ্হি ৭নং লাচিত বৰফুকন ছাত্ৰাবাসৰ সন্মুখত নিৰ্মাণ কৰি থকা ১৮ ফুট উচ্চতাৰ লাচিত বৰফুকনৰ প্ৰতিমূৰ্তিটো নিৰ্মাণৰ বাবদ ব্যয় হৈছে প্ৰায় ১৫ লাখ টকা ৷

উল্লেখযোগ্য যে , আৱাসটোৰ প্ৰাক্তন আৱাসী সকলৰ দান-বৰঙণিৰে নিৰ্মাণ কৰা হৈছে প্ৰতিমূৰ্তিটো ৷ বিশিষ্ট শিল্পী বীৰেন সিংহই নিৰ্মাণ কৰি থকা প্ৰতিমূৰ্তিটো আগন্তুক ২৪ নৱেম্বৰ অৰ্থাৎ লাচিত দিৱসৰ দিনা আনুষ্ঠানিকভাৱে উদ্বোধন কৰিব গুৱাহাটী বিশ্ববিদ্যালয়ৰ উপাচাৰ্য ডঃ প্ৰতাপ জ্যোতি সন্দিকৈয়ে ৷

উক্ত দিনটোত অসম আৰ্হি ৭নং লাচিত বৰফুকন ছাত্ৰাবাসৰ আৱাসী সকলে আয়োজন কৰিছে এখনি ন-পুৰণি সতীৰ্থ সন্মিলনৰ ৷ আৱাসটোৰ পৰা ভৱিষ্যতে ল'ব লগা কেইবাটাও নতুন পদক্ষেপৰ বিষয়ে আলোচনা হ'ব লগা অনুষ্ঠানটোলৈ পুৰণি সকলো আৱাসীকে আমন্ত্ৰণ জনাইছে ছাত্ৰাবাসৰ আৱাসী সকলে ৷

লগতে পঢ়কঃকেনেকৈ মৃত্যু হ'ল লাডেনৰ? সবিশেষ Etv Bharatত