যোৰাবাটত জব্দ 4 খন কয়লা ভৰ্তি ট্ৰাক

মঙলবাৰে পুৱতি নিশা আৰক্ষীৰ আভিযানত জব্দ হয় 4 খন কয়লা ভৰ্তি ট্ৰাক ৷ এই সন্দৰ্ভত আৰক্ষীয়ে আটক কৰে 4 জন লোকক

গুৱাহাটী , 8 এপ্ৰিলঃ ৰাজ্যত অব্যাহত কয়লাৰ ক'লা বেহা । মঙলবাৰে যোৰাবাটত পৰিবহন বিভাগ, মহানগৰ আৰক্ষী আৰু যোৰাবাট আৰক্ষীৰ যুটীয়া অভিযানত জব্দ কৰা হয় 4খন কয়লা কঢ়িওৱা ট্ৰাক ৷

উল্লেখ্য যে নথি পত্ৰ অবিহনে কয়লা কঢ়িওৱাৰ বাবে যোৰাবাটত পুৱতি নিশা আৰক্ষীয়ে জব্দ কৰে ট্ৰাক কেইখন ৷ মেঘালয়ৰ পৰা বিহাৰলৈ কয়লা কঢ়িওৱা ট্ৰাক কেইখনৰ নম্বৰ ক্ৰমে AS-01GC-5328, NL-02N-9098 , AS-11AC-9981 আৰু AS-10C-1182 ৷ এই সন্দৰ্ভত আৰক্ষীয়ে 4 জন লোকক আটক কৰে ৷ আটকাধীন লোক কেইজনৰ নাম আব্দুল মাঝিদ, শ্যাম নাৰায়ণ পাণ্ডে, ৰহিমুদ্দিন আৰু ফৰিদ আহমেদ ৷