দুপৰীয়া 3 বজাৰ দহটা শীৰ্ষ বাতৰি

দুপৰীয়া 3 বজাৰ দহটা শীৰ্ষ বাতৰি...

ভাৰত-ইউৰোপিয়ান ইউনিয়নৰ মুক্ত বাণিজ্য চুক্তিৰ দীৰ্ঘদিনীয়া প্ৰক্ৰিয়া অনাগত দিনতো বিশেষ ফলপ্ৰসূ হোৱাৰ সম্ভাৱনা নাই বুলি মত প্ৰকাশ কৰিছে বিশেষজ্ঞই ৷

ৰাষ্ট্ৰসংঘ স্থাপনৰ 75 সংখ্যক বৰ্ষপূৰ্তি উপলক্ষ্যে ECOSOCৰ বাৰ্ষিক উচ্চ-স্তৰীয় সন্মিলনত প্ৰধানমন্ত্ৰী নৰেন্দ্ৰ মোদীয়ে সংযুক্ত ৰাষ্ট্ৰৰ এক সদস্যৰূপে সম্বোধন কৰিছে ৷

বঙাইগাঁও জিলাত অব‍্যাহত আছে বানপানীৰ বিভীষিকা । আজিও পানীৰ তলত আছে জিলাখনৰ বহুকেইখন গাঁও । বঙাইগাঁও জিলাৰ বিভিন্ন ঠাইত আই নদীয়ে যিদৰে গৰাখহনীয়া আৰু বানপানীত ক্ষতি কৰিছে একেদৰেই বৰলুইতৰ বানেও ব‍্যাপক ক্ষতি কৰা পৰিলক্ষিত হৈছে । বি

জম্মু-কাশ্মীৰৰ শ্ৰীনগৰ অবন্তীপুৰত ক’ভিড-19 ত আক্ৰান্ত হৈ মৃত্যুবৰণ গহপুৰ চিআৰপিএফ জোৱান পদ্মেশ্বৰ দেউৰীৰ ৷

পূৰ্বৰ তুলনাত ৰাজ্যত হ্ৰাস পাইছে জাপানীছ এনকেফেলাইটিছত আক্ৰান্ত হোৱা লোকৰ সংখ্যা । চলিত বছৰত ১১২ গৰাকী লোক জাপানী এনকেফেলাইটিছ আক্রান্ত হোৱাৰ বিপৰীতে মৃত্যু ঘটিছে ১৪ গৰাকী লোকৰ । ৰাজ্যৰ ভিতৰত বৰপেটা জিলাত এইবাৰ জাপানী এনকেফেলাইটিছত আক্রান্ত হোৱা লোকৰ সংখ্যা অধিক দেখিবলৈ পোৱা গৈছে ।

বাঘজানৰ তৈলখাদ অগ্নিকাণ্ডৰ ফলত ক্ষতিগ্ৰস্ত লোকৰ আত্মহত্যাৰ অপচেষ্টা । কীট নাশক দ্ৰব্য সেৱন বাঘজান গাঁৱৰ শুক্লেশ্বৰ নেওগ নামৰ ৪৫ বছৰীয়া লোকজনৰ ।

বহিঃৰাজ্যৰ পৰা খাদ্যসামগ্ৰী কঢ়িয়াই অনা প্ৰায় এহেজাৰ ট্ৰাক অসম-ত্ৰিপুৰা সীমান্তৰ চুড়াইবাৰীত ৰৈ থাকিব লগীয়া হৈছে ৷ এইদৰে ৰৈ থাকিব লগীয়া হোৱাত সমস্যাৰ সন্মুখীন হৈছে চালক-হেণ্ডিমেনসকল ৷ হাবিময় এলেকা, তাতে মহামাৰীৰ ত্ৰাস, খাদ্য আৰু পানীৰ সংকট ৷ তাৰ মাজত এতিয়া এই সকল ট্ৰাক চালকৰ চিন্তা বাঢ়িছে , কেতিয়া উদ্ধাৰ হ'ব এই সংকটৰ পৰা, কেতিয়া পাবগৈ আগৰতলা ৷

শ্বৰ্ট চাৰ্কিটৰ ফলত শনিবাৰে পুৱাৰ ভাগত জালুকবাৰীৰ ফুলপাহী নগৰত সংঘটিত হয় ভয়ংকৰ অগ্নিকাণ্ড ৷ অগ্নিকাণ্ডত জাহ যায় প্ৰায় 4 টা বাসগৃহ ৷

আৰ্থিক দীনতাই কোঙা কৰি পেলোৱা অৰুণাচল প্ৰদেশৰ ডিৰাঙৰ ফুৰপা ৱাংচুৰ সহিতে মুঠ ৬০০ জন ব্যক্তিক নিযুক্তি দিছে ভাৰতীয় সেনাৰ পৰ্টাৰ কোম্পানীয়ে ৷

বকো আৰক্ষী চকীৰ ভাৰপ্ৰাপ্ত আৰক্ষী বিষয়াকে ধৰি মুঠ তিনি গৰাকী লোকৰ দেহত ধৰা পৰিছে COVID-19 ৰ অৱস্থিতি ৷ আক্ৰান্ত লোক কেইগৰাকীক প্ৰেৰণ কৰা হৈছে মিৰ্জাস্থিত পতঞ্জলি চিকিৎসালয়লৈ ৷