গুৱাহাটী, 5 অক্টোবৰ: গুৱহাটীৰ চান্দমাৰী অভিযান্ত্ৰিক খেলপথাৰত যোৱা 1 নৱেম্বৰৰ পৰা আৰম্ভ হৈছে 21 সংখ্যাক উত্তৰ-পূব গ্ৰন্থমেলা ৷ 12 নৱেম্বৰলৈ চলিব লগীয়া এই গ্ৰন্থমেলাত দেখিবলৈ পোৱা গৈছে হাজাৰ হাজাৰ পাঠকৰ ভিৰ । ছ’চিয়েল মিডিয়া তথা ডিজিটেল মিডিয়াৰ ব্যাপক প্ৰচাৰৰ মাজতো পাঠকৰ মাজত দেখা গৈছে কিতাপৰ প্ৰতি আগ্ৰহ ৷ এই ক্ষেত্ৰত ’’হিনাইনি লামা’’ আৰু ‘‘সাংবাদিকতাৰ লক্ষণৰেখা’’ গ্ৰন্থৰ লেখিকা সংগীতা ৰাণী কলিতাৰ মন্তব্য..
ইপিনে উত্তৰ-পূব গ্ৰন্থমেলাৰ পঞ্চম দিনা অৰ্থাৎ মঙলবাৰেও কিতাপ ক্ৰয় কৰবিলৈ হাজাৰ-হাজাৰ পাঠকৰ মাজত ব্যাপক উচাহ পৰিলক্ষিত হয় । উল্লেখযোগ্য যে, কিতাপৰ প্ৰতি আগ্ৰহ বৃদ্ধি কৰাত উত্তৰ পূব গ্ৰন্থ মেলাই এক গুৰুত্বপূৰ্ণ ভূমিকা পালন কৰি আহিছে । উত্তৰ পূৰ্বাঞ্চলৰ ভিতৰত সৰ্বাধিক সমাদৰ লাভ কৰে এই গ্ৰন্থ মেলাখনে ৷ য’ত লেখক আৰু পাঠকৰো বিশেষ আগ্ৰহ দেখা পোৱা যায় ।
2019 বৰ্ষৰ 21 সংখ্যাক উত্তৰ-পূব গ্ৰন্থমেলাত এইবাৰ অনুৰাধা শৰ্মা পূজাৰীৰ নয়ন তৰা, সংগীতা ৰাণী কলিতাৰ হিনাইনি লামা, সাংবাদিকতাৰ লক্ষণৰেখা আৰু গৌতম বৰুৱাৰ ৰাম মন্দিৰ নে বাবৰী মছজিদ গ্ৰন্থ যথেষ্ট চাহিদা লাভ কৰিছে ৷
- লগতে চাওক- হেপ্পী বাৰ্থডে বিৰাট কোহলি
