যোৰহাট,২৩ জুন : মৰিয়নিত সুৰাপায়ী মহিলাৰ তাণ্ডৱ (Drunk women terror in Mariani)। মহিলাগৰাকীৰ বাবে লটি-ঘটি হৈছে একাংশ লোকৰ । আনৰ ঘৰত প্ৰৱেশ কৰি ৰান্ধি থোৱা ভাত খাই উদং কৰিলে সুৰাপায়ী মহিলাগৰাকীয়ে ।
উল্লেখ্য যে মৰিয়নি চহৰৰ ভিন্ন প্ৰান্তত সুৰাপায়ীৰ অতপালি বৃদ্ধি পাইছে । যাৰ বাবে হাৰাশাস্তি ভূগিবলগীয়া হৈছে চহৰখনৰ একাংশ সভ্য নাগৰিকে । এইবাৰ মহিলা সুৰাপায়ীয়ে নগুৰ-নাগতি কৰিছে এঘৰ লোকক । ঘৰত কোনো নথকা অৱস্থাত সুৰাপান কৰি মহিলাগৰাকীয়ে প্ৰৱেশ কৰিছে ঘৰটোত ।
তাৰ পাছত পাকঘৰত ৰান্ধি থোৱা ভাত খায় উদং কৰিলে সুৰাপায়ী মহিলাগৰাকীয়ে (Drunk women eat rice in others kitchens)। একপ্ৰকাৰ সুৰাৰ ৰাগিত কাৰ ঘৰত প্ৰৱেশ কৰিছে সেই কথাও নাজানে মহিলাগৰাকী । গৃহস্থ আহি মহিলাগৰাকীক ঘৰৰ ভিতৰত প্ৰত্যক্ষ কৰি আচৰিত হয়। লগে লগে স্থানীয় একাংশ লোক উপস্থিত হৈ মহিলাগৰাকীক উভতি ধৰে ।
লোকসকলে ঘৰৰ ভিতৰৰ পৰা চোঁচৰাই বাহিৰ কৰিলে সুৰাপায়ী মহিলাগৰাকীক । অৱশেষত মহিলাগৰাকীৰ অতপালি দেখি আৰক্ষীক খবৰ দিয়া হয় । আৰক্ষী ঘটনাস্থলীত উপস্থিত হৈ মহিলাগৰাকীক থানালৈ লৈ যায় । মহিলাগৰাকীৰ নাম ৰিংকু বুলি জানিব পৰা গৈছে ।
ইফালে সুৰাপায়ী মহিলাগৰাকীৰ কৰ্মকাণ্ডই একাংশ লোকক আমোদ দিয়াৰ লগতে আন একাংশ অতিষ্ঠ হোৱা দেখা গৈছে । ইফালে অঞ্চলটোত সুৰাৰ বেহা ইমানে বৃদ্ধি হৈছে যে এনেদৰে এগৰাকী মহিলাই দিন দুপৰতে সুৰাপান কৰি ঘূৰি ফুৰিছে । কিন্তু ইমানৰ পাছতো প্ৰশাসনে অঞ্চলটোত থকা মদৰ ঘাটিবোৰ উচ্ছেদ কৰিবলৈ সক্ষম হোৱা নাই । যাৰ বাবে প্ৰশাসন তথা আবকাৰী বিভাগৰ বিৰুদ্ধে জাঙুৰ খায় উঠিছে একাংশ লোক ।
লগতে পঢ়ক :মাছসহ ৩৬ খনকৈ জাল চুৰি আটক দুই চোৰ
