টীয়ক,17 ফেব্ৰুৱাৰীঃ টীয়ক সমষ্টিৰ অন্তৰ্গত পঞ্চায়ত সমূহত একাংশ পঞ্চায়ত প্ৰতিনিধি, চৰকাৰী বিষয়া, পঞ্জীয়ন ভুক্ত সামগ্ৰী যোগানধাৰী ৰাজনৈতিক একাংশ পালিনেতাৰ বিৰুদ্ধে উন্নয়নৰ বাবে অহা ধন আত্মসাৎ কৰাৰ অভিযোগ ছাত্ৰ সন্থাৰ ৷ অভিযোগ অনুসৰি ,চৰকাৰী ধনেৰে শৰাধ পাতি এই সকল লোকে নিজৰ জেপ গধুৰ কৰাৰ বিপৰীতে স্থৱিৰ হৈ পৰিছে সামগ্ৰিক উন্নয়ন । প্ৰাপ্ত অভিযোগ অনুসৰি চতুৰ্দশ বিত্তীয় আয়োগৰ ২০১৬-১৭ বৰ্ষতে চিন্তামণিগড় গাওঁ পঞ্চায়তৰ অধীনস্থ নেপালী গাওঁত অনুসূচিত নেপালী জনজাতি উচ্চ মাধ্যমিক বিদ্যালয়ৰ সংযোগী পথত এখন ফুটব্ৰীজ নিৰ্মাণৰ বাবে ৬ লাখ ৩ হাজাৰ টকা আৱণ্টন দিছিল যদিও বিগত চাৰি বছৰে সম্পূৰ্ণ কৰিব নোৱাৰিলে দলংখন নিৰ্মাণৰ কাম ৷ এই ফুটব্ৰীজ খনৰ নামত আৱণ্টন হোৱা ধন আত্মসাৎ কৰাৰ উপৰি সম্পূৰ্ণ নক্সা সলনি কৰি পকী পুল নিৰ্মাণৰ নামত ৰাজহুৱা ধন হৰলুকি কৰাৰ অভিযোগ উত্থাপিত হৈছে ৷ ইতিমধ্যে ছাত্ৰসন্থাই কলিয়াপানী উন্নয়ন খণ্ডৰ খণ্ড উন্নয়ন বিষয়াক উক্ত আঁচনিৰ ধন আত্মসাৎ কৰাৰ ঘটনাৰ তদন্তৰ দাবীত প্ৰদান কৰিছে স্মাৰকপত্ৰ ৷
লগতে পঢ়কঃবিদ্যালয়ৰ ভিতৰত ছাত্ৰৰ আত্মহত্যাক লৈ নগাঁৱত প্ৰতিবাদ
