যোৰহাট, ২ মাৰ্চঃ আগন্তুক লোকসভা নিৰ্বাচনত চমক দেখুৱাবলৈ সাজু ৰাজনৈতিক নেতাৰ পৰা আৰম্ভ কৰি দল, সংগঠন সকলো । মঙলবাৰে বিজেপিৰ ৰাজ্যিক সভাপতি ৰঞ্জিত দাসে চমক দেখুৱালে যোৰহাটৰ ঐতিহাসিক উক বজাৰত । যোৰহাটৰ উক বজাৰত থকা সকলো বিপনীত গৈ সভাপতি ৰঞ্জিত দাসে বিজেপিৰ প্ৰাৰ্থী তপন গগৈৰ হৈ প্ৰচাৰ অভিযান চলাই । সভাপতিজনে প্ৰতিখন বিপনীত গৈ প্ৰতিজন ব্যক্তিকে ভোট দিবলৈ আহ্বান জনোৱাৰ লগতে পুনৰ কেন্দ্ৰত মোডী চৰকাৰৰ প্ৰয়োজনীয়তাৰ কথা উল্লেখ কৰে সভাপতিগৰাকীয়ে ।
যোৰহাটৰ বিপনীত ৰঞ্জিত দাস
আনহাতে, এই বৰ্ষত মোডীৰ বিজয় নিশ্চিত বুলি মত প্ৰকাশ কৰাৰ লগতে ভাৰতবৰ্ষখনক বিশ্বগুৰু ৰূপত গঢ়ি তোলাৰ প্ৰয়োজনীয়তা আছে বুলিও মত প্ৰকাশ কৰে সভাপতি ৰঞ্জিত দাসে ।
