যোৰহাট, 26 নৱেম্বৰ : কেন্দ্ৰীয় চৰকাৰৰ জনবিৰোধী নীতি, ৰাজহুৱা খণ্ডৰ লগতে বিদ্যুৎ বিতৰণ খণ্ডৰ ব্যক্তিগতকৰণৰ বিৰুদ্ধে কেন্দ্ৰীয় ট্ৰেড ইউনিয়ন আৰু কৰ্মচাৰী ফেডাৰেচন সমূহৰ আহ্বানত আৰু বিদ্যুৎ কৰ্মচাৰী, অভিযন্তাৰ ৰাষ্ট্ৰীয় সমিতিৰ সমৰ্থনত 6 নৱেম্বৰ অৰ্থাৎ বৃহস্পতিবাৰে সমগ্ৰ দেশজুৰি পালন কৰিছে সাধাৰণ ধৰ্মঘট । প্ৰতিবাদকাৰীয়ে বিভিন্ন চৰকাৰ বিৰোধী শ্ল'গানেৰে উত্তাল কৰি তুলিছে প্ৰতিবাদস্থলী ৷ অসমৰো বিভিন্ন স্থানত সাব্যস্ত কৰা হৈছে প্ৰতিবাদ ৷
যোৰহাটত APDCL কাৰ্যালয়ৰ ভিতৰতো ধৰ্মঘটত বহিল শতাধিক কৰ্মচাৰীয়ে ৷ বিদ্যুত খণ্ডৰ ব্যক্তিগতকৰণৰ চক্ৰান্ত বন্ধ কৰক, শক্তিখণ্ডক ব্যক্তিগতকৰণ কৰা বন্ধ কৰক, APDCL ৰ ব্যক্তিগতকৰণ কৰা বন্ধ কৰক আদি বিভিন্ন দাবী তথা চৰকাৰ বিৰোধী শ্ল'গানেৰে উত্তাল হৈ পৰে কাৰ্যালয় ৷
লগতে পঢ়ক : ধুবুৰীৰ আধাৰ কেন্দ্ৰত উত্তপ্ত পৰিস্থিতি
