যোৰহাট, 25 মাৰ্চ: দুখীয়া কৃষকক স্বাৱলম্বী কৰাৰ প্ৰয়াস যোৰহাটৰ এটা বে-চৰকাৰী সংস্থাৰ(NGO for poor farmers) ৷ নিজাববীয়া প্ৰকল্পৰ আধাৰত, কণী উৎপাদনেৰে দুখীয়া কৃষকক স্বাৱলম্বী কৰাৰ প্ৰয়াস 'পথিক' নামৰ বে-চৰকাৰী সংস্থাৰ ৷ এই উদ্দেশ্যৰে শুকুৰবাৰে যোৰহাটত পোন প্ৰথমবাৰৰ বাবে কুকুৰা পালকৰ বাবে কৃত্ৰিম তাপ নিয়ন্ত্ৰক গৃহৰ শিল্যন্যাস হয় (Chicken rearing system) ৷ বে-চৰকাৰী সংস্থা পথিকৰ উদ্যোগত আৰু ONGC সহযোগত বাঘচুঙ কুকুৰা পামত অনুষ্ঠিত হয় এই শিল্যন্যাস অনুষ্ঠান ।
শিলান্যাস কাৰ্যসূচীত উপস্থিত থাকে সহকাৰী আয়ুক্ত প্ৰিয়ব্ৰত হাজৰিকা, ONGC Surface Manager এ কে ৰস্তৌগি, CC I/C জয়শ্ৰী শইকীয়া, CSR I/C সিদ্ধাৰ্থ আহাতে, District officer ভূপেন দাস, District poultry Farm মেনেজাৰ ডাঃ সৰৱাৰ সাদেৰ, পথিক ৰ সঞ্চালক ভিক্টৰ ৰাজকুমাৰ, সম্পাদক ৰুদ্ৰ প্ৰসাদ হাজৰিকাৰ লগতে বহু কেইজন ব্যক্তি (Poultry Farm in Jorhat)।
পথিকৰ নিজাববীয়া প্ৰকল্প গৃহত প্ৰথম পৰ্যায়ত 1,400 কুকুৰা পালনৰ ব্যবস্থা কৰা হৈছে বুলি জানিবলৈ দিছে সংস্থাটোৱে ৷ এই প্ৰয়াসৰ যোগেদি বৰহোলা অঞ্চলৰ 120 গৰাকী দুখীয়া কৃষকক কণী উৎপাদন কৰি জীৱিকা মোকলোৱাৰ প্ৰয়াসেৰে প্ৰথম পৰ্যায়ত 25 গৰাকী খেতিয়কক লৈ প্ৰকল্পটোৰ কাম-কাজ আৰম্ভ কৰা হ'ব বুলি জানিবলৈ দিয়ে বে-চৰকাৰী সংস্থা পথিকৰ সঞ্চালক ভিক্টৰ ৰাজকুমাৰে । লগতে কৃষকসকলৰ উৎপাদিত কণী বজাৰলৈ সম্প্ৰসাৰিত কৰাৰ দায়িত্বও বে-চৰকাৰী সংস্থাটোৱে নিজাববীয়াকৈ ল'ব বুলিও জানিবলৈ দিয়ে ৷
এই প্ৰকল্পৰ যোগেদি কৃষক সকলক প্ৰথমে কুকুৰা পালনৰ প্ৰশিক্ষণ দিয়াৰ লগতে তেওঁলোকৰ বাবে একোটাকৈ কুকুৰা পালন গৃহ নিৰ্মাণ কৰা হ'ব ৷ পৰৱৰ্তী সময়ত শীত-তাপ নিয়ন্ত্ৰিত ব্যৱস্থাত পালিত কুকুৰা সমূহ কণী পৰাৰ সময়ত কৃষক সকলক প্ৰদান কৰাৰ হ'ব | এই প্ৰক্ৰিয়াৰ পাছত উৎপাদিত কণী সমূহ বজাৰত বিতৰণৰ ব্যবস্থাও সংস্থাটোৱে নিজে গ্ৰহণ কৰিব ৷
উল্লেখযোগ্য যে, বিভিন্ন সময়ত পথিক নামৰ বে-চৰকাৰী সংস্থাটোৱে জনহিতাৰ্থে বিভিন্ন কল্যানমূলক আঁচনি আৰু পদক্ষেপ গ্ৰহণ কৰি আহিছে; যি বৰ্তমান সময়ত স্বাৱলম্বীতাৰ ক্ষেত্ৰত এক আৰ্দশৰ প্ৰতীক হিচাপে জিলিকি ৰ'ব ৷
লগতে পঢ়ক: Tea Garden of Assam: ক্ষুদ্ৰ চাহ খেতিয়ক আৰু চাহ শ্ৰমিকৰ বিননি শুনিবনে চৰকাৰে ?
