মৰিয়নি, 11 ডিচেম্বৰ : মৰিয়নিৰ নকছাৰী তিৰুৱালত দুদিন ধৰি বিৰাজ কৰিছে নাহৰফুটুকীৰ আতংক (Leopard scaring people by roaming at Mariani) ৷ শুকুৰবাৰে নাহৰফুটুকীটোৱে এটোৱা ওৰাং আৰু সোণটো ঘাটোৱাল নামৰ দুজন ব্যক্তিক আহত কৰে ৷ ইয়াৰ পূৰ্বেও 9 ডিচেম্বৰৰ দিনটোত নাহৰফুটুকীটোৰ আক্ৰমণত ৰিজুমনি গগৈ নামৰ এগৰাকী যুৱতীৰ লগতে সঞ্জীৱ নায়ক নামৰ লোকজন আঘাত প্ৰাপ্ত হৈছিল ৷
তিৰুৱালৰ এখন ক্ষুদ্ৰ বাগিচাত বিচৰণ কৰি ফুৰা নাহৰফুটুকীটোৱে বৰ্তমানলৈকে 10 জনকৈ লোকক আঘাতপ্ৰাপ্ত কৰিছে (Leopard attacked 10 persons till now) ৷ সমগ্ৰ তিৰুৱালতে এতিয়া এক আতংকময় পৰিৱেশে বিৰাজ কৰিছে ৷ নাহৰফুটুকীটো কৰায়ত্ব কৰাৰ যুঁজখনত গঞাৰ হাতত নাহৰফুটুকীও আঘাতপ্ৰাপ্ত হোৱাৰ বাতৰি ইতিমধ্যে আহি পৰিছে ৷
বন-বিভাগৰ দলেও বৰ্তমানলৈকে নাহৰফুটুকীটো ধৰিবলৈ সক্ষম হোৱা নাই ৷ 10 জনকৈ লোকক আক্ৰমণ কৰা নাহৰফুটুকীটোক গুলীয়াই মাৰিবলৈ অনুৰোধ কৰিছে তিৰুৱালৰ আতংকিত ৰাইজে ৷
লগতে পঢ়ক: Leopard Attacke at Mariani : নাহৰফুটুকীৰ আক্ৰমণত আহত দুজন
