টিয়ক, 10 জানুৱাৰী : 2022 বৰ্ষৰ 28 জানুৱাৰীৰ পৰা তিনি দিনীয়া কাৰ্যসূচীৰে অনুষ্ঠিত কৰা হ'ব শ্ৰীমন্ত শংকৰদেৱ সংঘ(Srimanta Sankardev Sangha annual conference of Jorhat)ৰ ৬৭ সংখ্যক যোৰহাট জিলা অধিৱেশন । তাকেই লৈ চিপাহীখোলা গছপুৰীয়াৰ কৰ্মযোগী মুক্ষেশ্বৰ শইকীয়া সমন্বয় ক্ষেত্ৰত আৰম্ভ হৈছে ব্যাপক প্ৰস্তুতি । জিলাখনৰ ১৬ খনকৈ আঞ্চলিকৰ লক্ষাধিক ভকত বৈষ্ণৱক আদৰিবলৈ ইতিমধ্যে ব্যাপক প্ৰস্তুতি চলাইছে ।
মহিলাসকলে হৰিনামৰ ধ্বনি তুলি আৰম্ভ কৰিছে পথাৰৰ নৰা কটা পৰ্ব । ইপিনে দেওবাৰে এক গুৰু গাম্ভীৰ্য আধ্যাত্মিক পৰিবেশত এই অধিৱেশনৰ লাইখুটা স্থাপন কৰে ভকত বৈষ্ণৱসকলে (Lai khuta set up of Srimanta Sankardev Sangha annual conference) । পুৱাই জিলাখনৰ বিভিন্ন প্ৰাথমিকৰ পৰা সদস্যসকল আহি উক্ত কাৰ্যসূচীত অংশগ্ৰহণ কৰা পৰিলক্ষিত হয় ।
উল্লেখ্য যে ক'ভিডৰ ভয়াবহতাৰ বাবে যোৱা দুটা বছৰে অনুষ্ঠিত হোৱা নাছিল জিলা অধিবেশনৰ লগতে মূল অধিবেশনো । ইয়াকে কেন্দ্ৰ কৰি এতিয়া সকলোৰে মাজত এইবাৰ দেখিবলৈ পোৱা গৈছে ব্যাপক উচাহ উদ্দীপনা । ইপিনে উক্ত অধিৱেশনখনৰ লাই খুটা স্থাপন কাৰ্যসূচীৰ পাছতে ভকত বৈষ্ণৱসকলে নামঘৰত এখনি ৰাজহুৱা সভাও অনুষ্ঠিত কৰে ৷
লগতে পঢ়ক : সাময়িকভাৱে স্থগিত শ্ৰীমন্ত শংকৰদেৱ সংঘৰ বাৰ্ষিক অধিৱেশনৰ প্ৰস্তুতিৰ কাম-কাজ
