যোৰহাট, 5মাৰ্চ: সাংস্কৃতিক নগৰী হিচাপে খ্যাত যোৰহাটত ৩মাৰ্চ পৰা আৰম্ভ হৈছে গ্ৰন্থ মেলা আৰু সাহিত্য উৎসৱ ৷ এই গ্ৰন্থ মেলা আৰু সাহিত্য উৎসৱৰ দ্বিতীয় দিনা অৰ্থাৎ 4মাৰ্চৰ সন্ধিয়া গ্ৰন্থ মেলাৰ বাকৰিত উন্মোচন কৰা হয় "জিয়াৰ ডায়েৰি" শীৰ্ষক এখনি শিশু গ্ৰন্থ ৷ বিশিষ্ট লেখক তথা সাংবাদিক কবিৰ শইকীয়াৰ এই গ্ৰন্থ খনি উন্মোচন কৰে ৰামায়নী সাহিত্যৰ গৱেষক ড৹ মালিনিয়ে ৷
লেখক কবিৰ শইকীয়া গ্ৰন্থ উন্মোচনী অনুষ্ঠানত উপস্থিত থাকে অসম নাট্য সন্মিলনৰ প্ৰাক্তন সভাপতি অখিল চক্ৰৱতী, শিশু সাহিত্যিক অনন্ত শৰ্মা সহ বহু কেইগৰাকী বিশিষ্ট ব্যক্তি ৷ উল্লেখ্য যে, এই গ্ৰন্থ মেলা আৰু সাহিত্য উৎসৱৰ বাকৰিত দ্বিতীয় দিনাও বহু সংখ্যক গ্ৰন্থপ্ৰেমী ৰাইজৰ সমাগম ঘটা পৰিলক্ষিত হয় ৷
লগতে পঢ়কঃ ওলমি ৰৈছে অগপ-বিজেপিৰ আসনৰ ভাগ-বাটোৱাৰা
