কাৰ্যভাৰ গ্ৰহণ মহিলা বিশ্ববিদ্যালয়ৰ নৱ-নিযুক্ত উপাচাৰ্যৰ

পাঁচ বছৰীয়া উৎকন্ঠাৰ অৱসান ঘটাই যোৱা 12 চেপ্তেম্বৰত ৰাজ্য চৰকাৰৰ উচ্চশিক্ষা বিভাগে বিশ্ববিদ্যালয়খনত নিযুক্তি দিয়ে উপাচাৰ্যৰ ৷

যোৰহাট, 16 চেপ্তেম্বৰঃ যোৰহাটৰ অসম মহিলা বিশ্ববিদ্যালয়ত সৃষ্টি হৈছে উদুলি-মুদুলি পৰিৱেশৰ ৷ বিগত পাঁচ বছৰীয়া উৎকন্ঠাৰ অৱসান ঘটাই যোৱা 12 চেপ্তেম্বৰত ৰাজ্য চৰকাৰৰ উচ্চশিক্ষা বিভাগে বিশ্ববিদ্যালয়খনত নিযুক্তি দিয়ে উপাচাৰ্য ৷ গুৱাহাটী বিশ্ববিদ্যালয়ৰ প্ৰৱক্তা ডঃ মালিনী গোস্বামীয়ে আজি মহিলা বিশ্ববিদ্যালয়খনৰ উপাচাৰ্য হিচাপে আনুষ্ঠানিক ভাৱে দায়িত্বভাৰ গ্ৰহণ কৰে৷ লগে লগে গায়ন-বায়ন আৰু উৰুলিৰে মুখৰিত হৈ পৰে বিশ্ববিদ্যালয় চৌহদ৷

আনহাতে নতুন উপায়ুক্তৰ দায়িত্বভাৰ গ্ৰহণ কৰাক লৈ উৎফুল্লিত হৈ পৰে ছাত্ৰী আৰু শিক্ষক সমাজ ৷