যোৰহাট,৬ মে': ৰাজ্যত ক্ৰমান্বয়ে বৃদ্ধি পাইছে দৈনিক আক্ৰান্তৰ সংখ্যা । আন আন জিলাৰ সমান্তৰালকৈ যোৰহাটতো দ্ৰুতগতিত বৃদ্ধি পাইছে কৰ'ণাৰ সংক্ৰমণ । ৭০০ ৰ ঘৰ অতিক্ৰম কৰিলে আক্ৰান্তৰ সংখ্যাই । আনহাতে, মহামাৰীৰ কবলত পৰি মৃত্যু হৈছে ৮৬ জনকৈ লোকৰ ।
প্ৰতিদিনে শতাধিক লোকৰ দেহত ধৰা পৰিছে কৰ'ণা ভাইৰাছৰ উপস্থিতি । শেহতীয়াকৈ ষ্টেট বেংকৰ দক্ষিণ যোৰহাটৰ চৰাইবাহী শাখাৰ কাৰ্যালয়ক কণ্টেইনমেণ্ট জ'ন ঘোষণা কৰিছে জিলা প্ৰশাসনে । কাৰ্যালয়টোৰ ৫ জন কৰ্মচাৰী মহামাৰীত আক্ৰান্ত হোৱাৰ পাছত জিলা প্ৰশাসনে কণ্টেইনমেণ্ট জ'ন ঘোষণা কৰে আৰু বেংকৰ লেনদেন বন্ধ কৰি দিয়ে ।
ইয়াৰ পূৰ্বে চহৰখনৰ মাজমজিয়াত থকা ইউনিয়ন বেংকৰ মুখ্য শাখাৰ কাৰ্যালয়ত চাৰিজন কৰ্মচাৰীৰ দেহত কৰ'ণা ভাইৰাছৰ উপস্থিতি ধৰা পৰাৰ পাছত বেংক কৰ্তৃপক্ষই সাময়িকভাৱে কাৰ্যালয়টো বন্ধ কৰি ৰাখে ।
লগতে পঢ়ক: মাকৈ খেতি কৰি হাহাকাৰ বৰপেটাৰ কৃষকৰ
