যোৰহাট, 30 এপ্ৰিল: আগন্তুক 2 মে'ত অনুষ্ঠিত হ'বলগীয়া ভোট গণনাক লৈ সাজু হৈছে যোৰহাট জিলা প্ৰশাসন ৷ জিলাখনত শান্তিপূৰ্ণভাৱে ভোট গণনা অনুষ্ঠিত কৰাৰ লগতে সম্পূৰ্ণ ক'ভিড প্ৰট'কল মানি সকলো যাৱতীয়া কামৰ বাবে ব্যৱস্থা গ্ৰহণ কৰিছে প্ৰশাসনে ৷ ইতিমধ্যে বৃহস্পতিবাৰে এখন বৈঠক অনুষ্ঠিত কৰি জিলা উপায়ুক্তগৰাকীয়ে জিলাখনত মুঠ 51 টা ৰাউণ্ডত ভোট গণনা অনুষ্ঠিত হ'ব বুলি উল্লেখ কৰিছে ৷
সেই অনুসৰি, দেৰগাঁৱৰ বাবে 18 টা ৰাউণ্ড, যোৰহাটৰ বাবে 19 টা ৰাউণ্ড আৰু টীয়কৰ বাবে 14টা ৰাউণ্ডত ভোট গণনা অনুষ্ঠিত হ'ব । প্ৰতিটো সমষ্টিৰ বাবে 2 টাকৈ হল, প্ৰত্যেক হলত 7 খনকৈ টেবুলৰ ব্যৱস্থা কৰা হৈছে ৷ লগতে সামগ্ৰিক পৰিস্থিতিৰ প্ৰতি লক্ষ্য ৰাখি নিৰ্বাচনৰ ফলাফল ঘোষণাৰ পাছত কোনো প্ৰাৰ্থীয়ে বিজয় সমদল আৰু বিজয় প্ৰমাণ পত্ৰ সংগ্ৰহ কৰোতে দুজনতকৈ অধিক লোক লগত আনিব নোৱাৰিব বুলি উল্লেখ কৰে ৷
লগতে পঢ়ক: অসম বিধানসভাৰ নিৰ্বাচন: কাৰ পক্ষত নিৰ্বাচনী সমীক্ষাসমূহ ?
