যোৰহাট, 25 জুলাইঃ যোৰহাটৰ ব্যস্ততাপূৰ্ণ অঞ্চল ৰজামৈদাম ৰ'ডৰ টোকোলাই দলঙৰ সমীপৰ এটা ডেম্পত দিনৰ ৩:৩০ বজাত সন্দেহজনক বিস্ফোৰণ সংঘটিত হয়। য'ত ডেম্পৰ মালিক হজৰত আলিৰ লগতে কৰ্মচাৰী মইদুল, চইদুল ইছলাম আৰু ছইদুল আলিয়ো গুৰুতৰভাৱে আহত হয় । ইয়াৰ ভিতৰত মইদুলৰ অৱস্থা সংকটজনক।
ইতিমধ্যে যোৰহাট চিকিৎসা মহাবিদ্যালয়ত চিকিৎসাধীন হৈ আছে যদিও স্বাস্থ্যৰ কোনো উন্নতি হোৱা পৰিলক্ষিত হোৱা নাই ৷ বিস্ফোৰণ শব্দৰ প্ৰাৱল্য যথেষ্ট বেছি আছিল বুলি উল্লেখ কৰে স্থানীয় প্ৰত্যক্ষদৰ্শীয়ে ৷ যোৰহাট আৰক্ষীয়ে ইতিমধ্যে তদন্ত কৰিছে যদিও কিহৰ দ্বাৰা বিস্ফোৰণ সংঘটিত হৈছে সেই কথা বৰ্তমানো ঠাৱৰ কৰিব পৰা নাই । আৰক্ষী বিষয়াই জনোৱা মতে সন্দেহজনক বিস্ফোৰণটোত গ্ৰেণেডজাতীয় সামগ্ৰী পোৱা নাই যদিও তদন্তৰ পাচতহে সমগ্ৰ ঘটনা পোহৰলৈ আহিব৷
