গেছভৰ্তি চিলিণ্ডাৰত নহয়, বিস্ফোৰণ হ’ল স্তভত !

যোৰহাটত এগৰাকী মহিলাই ভাত ৰান্ধি থকাৰ অৱস্থাতেই পচণ্ড শব্দৰে বিস্ফোৰিত হ’ল ৰন্ধন গেছৰ স্তভ ৷ বিস্ফোৰণত ঘৰখনৰ এজন লোক আহত হোৱাৰ বাতৰি পোৱা গৈছে ৷

যোৰহাট, 6 ছেপ্টেম্বৰ: যোৰহাটৰ গড়আলিস্থিত আৰ্ট হাউচ নামৰ এক ব্যৱসায়িক প্ৰতিষ্ঠানৰ পৰা কিছুদিনমান পূৰ্বে ক্ৰয় কৰা হৈছিল এটা গেছ স্তভ ৷ শুকুৰবাৰে এই স্তভতেই ৰশ্মি কাকতি নামৰ মহিলাগৰাকীয়ে ঘৰত ভাত ৰান্ধি থকাৰ অৱস্থাত এক বৃহৎ শব্দৰে বিস্ফোৰিত হয় গেছ স্তভটোত ৷ স্ত’ভটোৰ এই অনাকাঙ্খিত বিস্ফোৰণত পৰিয়ালটোৰ এজন লোক আহত হৈছে ৷

প্ৰেষ্টিজ কোম্পানীৰ নিৰ্মাণৰ বিসংগতিৰ বাবে গেছ স্তভটো বিস্ফোৰণ হোৱা বুলি সন্দেহ প্ৰকাশ কৰিলে ব্যৱসায়িক প্ৰতিষ্ঠানখনৰ স্বত্বাধিকাৰীগৰাকীয়ে ৷ কিন্তু ৰন্ধন গেছৰ স্তভ এনেদৰে বিস্ফোৰণ হোৱাতো এক নজিৰবিহীন ঘটনা ৷

লগতে পঢ়ক : অখিল গগৈৰ মুক্তিৰ দাবীত প্ৰচাৰ পত্ৰিকা বিলালে ছাত্ৰ মুক্তিয়ে