মৰিয়নী, 20 অক্টোবৰ: মৰিয়নীৰ 2 নম্বৰ ৱাৰ্ডৰ গান্ধী নগৰত দেওবাৰে বিয়লি এক বিধ্বংসী অগ্নিকাণ্ড সংঘটিত হয় । ৰাখাল ঘোষ নামৰ এজন ব্যক্তিৰ বাসগৃহত সংঘটিত হৈছে এই অগ্নিকাণ্ড ৷ সন্দেহ কৰা মতে ৰাখালৰ বাসগৃহত থকা মিঠাই ফেক্টৰীৰ পৰা এই অগ্নিকাণ্ড সূত্ৰপাত হয় । মিঠাই ফেক্টৰীতে থকা তিনিটাকৈ চিলিণ্ডাৰ বিস্ফোৰণ হোৱাৰ ফলত এই অগ্নিকাণ্ড বিধ্বংসী ৰূপ লৈ ৰাখাল ঘোষৰ বাসগৃহৰ লগতে কাষতে থকা তেওঁৰ দুটা ভাড়া দিয়া বাসগৃহ সম্পূৰ্ণৰূপে ভস্মীভূত কৰে ।
এই অগ্নিকাণ্ড ফলত নগদ কেইবালাখ টকাৰ লগতে সোণৰ অলংকাৰ, গুৰুত্বপূৰ্ণ নথি পত্ৰ সা-সামগ্ৰী লগতে এখন লুনা মটৰচাইকেল অগ্নিকাণ্ডত জাহ যায়। ঠেক বাটপথৰ বাবে বহু অসুবিধাৰ সম্মুখীনহৈ ঘটনাস্থলীত অগ্নিনিৰ্বাপক বাহিনীৰ গাড়ী উপস্থিত হৈ অগ্নি নিৰ্বাপন কৰে যদিও সম্পূৰ্ণৰূপে জুই জাহ যায় বাসগৃহকেইটা ।
মৰিয়নীৰ 2 নম্বৰ ৱাৰ্ডৰ গান্ধী নগৰত দেওবাৰে বিয়লি বিধ্বংসী অগ্নিকাণ্ড
