যোৰহাট, 25 ছেপ্টেম্বৰ : যোৰহাটৰ অসম কৃষি বিশ্ববিদ্যালয়ৰ চৌহদত মৃতদেহ উদ্ধাৰ ৷ চৌহদৰ ভিতৰত থকা এটা পুখুৰীত উদ্ধাৰ হয় মৃতদেহটো ৷ মৃত ব্যক্তিজনৰ নাম বকুল ভূঞা বুলি জানিব পৰা গৈছে ৷ বিগত দুদিন ধৰি নিখোজ হৈ আছিল বকুল ৷
যোৰহাটৰ ৰৰৈয়া থানাত বৃহস্পতিবাৰে এজাহাৰ দিছিল পৰিয়ালৰ লোকে ৷ শুকুৰবাৰে অসম কৃষি বিশ্ববিদ্যালয়ৰ চৌহদত থকা এটা পুখুৰীত উদ্ধাৰ হয় বকুলৰ মৃতদেহ ৷ বকুলৰ ঘৰ যোৰহাটৰ ৰৰৈয়াৰ ২নং শেনচোৱা গাঁৱত ৷ ইতিমধ্যে লেচুবাৰী আৰক্ষী উপস্থিত হৈছে ঘটনাস্থলীত ৷ মৃত্যুৰ কাৰণ সম্পৰ্কে বৰ্তমানেও জানিব পৰা হোৱা নাই ৷
লগতে পঢ়ক : শিলচৰত বৃহৎ পৰিমানৰ জাল নোট সহ আটক দুই যুৱক
