যোৰহাটত বনভোজ খাবলৈ গৈ দুৰ্ঘটনাত পতিত এখন নাঁও

মঙলবাৰে যোৰহাটত ব্ৰহ্মপুত্ৰ নদীত দুৰ্ঘটনাগ্ৰস্ত হয় এখন নাঁও ৷ বনভোজ খাবলৈ গৈ থকা অৱস্থাত সংগটিত হয় এই দুৰ্ঘটনাটো ৷ ইতিমধ্যে 4 গৰাকীক উদ্ধাৰ কৰা হৈছে যদিও বৰ্তমানো সন্ধানহীন হৈ আছে বহুকেইগৰাকী মহিলাসহ শিশু ৷

যোৰহাট,26 জানুৱাৰী : যোৰহাটত বনভোজ খাবলৈ গৈ মঙলবাৰে দুৰ্ঘটনাগ্ৰস্ত হয় এখন নাঁও ৷ দুৰ্ঘটনাত পতিত নাঁওখনত থকা 12-13 জনীয়া এটা দলে বাঘমৰালৈ বনভোজ খাবলৈ গৈ থকাৰ সময়তে ব্ৰহ্মপুত্ৰৰ বুকুত ডুব যায় নাঁওখন ৷

ইতিমধ্যে 4 গৰাকীক উদ্ধাৰ কৰাৰ লগতে বৰ্তমানো সন্ধানহীন হৈ আছে বহুকেইগৰাকী মহিলাসহ শিশু ৷ উদ্ধাৰ হোৱা কেইগৰাকীৰ ভিতৰত তিনিটা শিশু আৰু এগৰাকী মহিলা বুলি জানিব পৰা গৈছে ৷ আটাইকেইগৰাকীৰে ঘৰ যোৰহাটৰ পুৰণি বালিবাটত ৷

মহিলাগৰাকী আৰু এটি শিশুৰ অৱস্থা সংকটজনক আৰু দুয়োকে যোৰহাট চিকিৎসা মহাবিদ্যালয়ত ভৰ্তি কৰোৱা হয় ৷

লগতে পঢ়ক : দিল্লী কৃষক আন্দোলনলৈ সমৰ্থন পাথাৰকান্দি ব্লক যুৱ কংগ্ৰেছৰ