যোৰহাট, 19 মে': এগৰাকী সাহসী যুৱতীয়ে জোকাৰি দিলে প্ৰশাসন, চৰকাৰক ৷ যোৰহাটত আজি অনুষ্ঠিত পঞ্চায়ত আৰু গ্ৰামোন্নয়ন বিভাগৰ এক বিশাল সভাত প্ৰায় পাঁচ লক্ষাধিক হিতাধিকাৰীক প্ৰধানমন্ত্ৰী আবাস যোজনাৰ গৃহৰ আবন্টন আৰু পুঁজি বিতৰণ কৰা হয় ৷ সভাত উপস্থিত থাকে মুখ্যমন্ত্ৰী ডঃ হিমন্তবিশ্ব শৰ্মা (Chief minister in Jorhat) ।
কিন্তু মুখ্যমন্ত্ৰীৰ এই সভাতে ঘটে এক অঘটন ৷ সভাত গ্ৰামোন্নয়ন মন্ত্ৰী ৰঞ্জিত দাসে ভাষণ দিবলৈ আৰম্ভ কৰাৰ সময়তে হঠাৎ কলেজৰ পোছাক পিন্ধা এগৰাকী ছাত্ৰী মঞ্চৰ ফালে তীব্ৰ বেগেৰে যাবলৈ উদ্যত হয় । লগে লগে নিৰাপত্তাৰক্ষীয়ে ছাত্ৰী গৰাকীক মঞ্চৰ পিছফাললৈ লৈ যায় ।
জানিব পৰা মতে মুখ্যমন্ত্ৰী ডঃ শৰ্মাক লগ কৰিবলৈ আহিছিল ছাত্ৰী গৰাকী । অৱশ্যে মুখ্যমন্ত্ৰীয়ে অনুষ্ঠানৰ শেষত ছাত্ৰী গৰাকীক সাক্ষাৎ কৰাৰ লগতে তেঁওৰ সৈতে মত বিনিময়ো কৰে (College girl meets CM at Jorhat)। মুখ্যমন্ত্ৰীক ছাত্ৰীগৰাকীয়ে জানিবলৈ দিয়ে যে ২০০৮ ত গুৱাহাটীত সংঘটিত ভয়াৱহ বোমা বিস্ফোৰণত মৃত্যু হৈছিল তেঁওৰ পিতৃৰ ৷
সেইসময়ত ছাত্ৰীগৰাকীৰ বয়স আছিল আঠ/ন বছৰ ৷ আজি যোৰহাটত মীনাক্ষী বৰা নামৰ এই যুৱতীগৰাকীয়ে তেঁওৰ মাতৃকো লগত লৈ মুখ্যমন্ত্ৰীক সাক্ষাৎ কৰি অৱগত কৰিলে ৷
লগতে পঢ়ক: 3.50 টকা মূল্যবৃ্দ্ধিৰে 1000 টকীয়া হ’ল ঘৰুৱা ৰন্ধন গেছৰ চিলিণ্ডাৰ
