যোৰহাট, 5 এপ্ৰিল : যোৰহাটৰ চ'ক বজাৰত 450 খনৰো অধিক বহিৰাগত গামোচা জব্দ হস্ততাঁত বস্ত্ৰশিল্প বিভাগৰ । থলুৱা শিপিনীয়ে বোৱা গামোচাৰ উচিত মূল্য পোৱাৰ লক্ষ্যৰে এই অভিযান বস্ত্ৰশিল্প বিভাগৰ ।
যোৰহাটৰ চ'ক বজাৰত জব্দ 450 খন বহিৰাগত গামোচা
বিহুৰ সময়ত বজাৰৰ চাহিদাৰ ওপৰত ভিত্তি কৰি সমগ্ৰ ৰাজ্যৰ লগতে যোৰহাটৰ বিভিন্ন বস্ত্ৰ বিপনীসমূহ ভৰি পৰিছে বহিৰাগত গামোচাৰে । যাৰ ফলত বজাৰৰ লগতে উচিত মূল্যৰ পৰা বঞ্চিত হয় থলুৱা শিপিনীসকল । সেয়েহে 1985 এক্টৰ আধাৰত যোৰহাটৰ চ'ক বজাৰত হস্ততাঁত বস্ত্ৰশিল্প বিভাগৰ দল এটাই তালাচী চলাই জব্দ কৰে 450 খনকৈ বহিঃৰাজ্যৰ গামোচা । ইতিমধ্যে জব্দ গামোচাসমূহ কলিকতালৈ উপযুক্ত প্ৰমাণৰ বাবে প্ৰেৰণ কৰা হৈছে বুলি জানিবলৈ দিয়ে বস্ত্ৰশিল্প বিভাগৰ অভিযানকাৰী বিষয়াই ।
