হোজাই,16 জুন : ডবকাৰ ভেলেউগুৰিত মঙলবাৰে নিশা সংঘটিত হৈছে এই চাঞ্চল্যকৰ ঘটনা ৷ পত্নীয়ে কুঠাৰেৰে ঘপিয়াই আহত কৰিলে স্বামীক ৷ স্বামীক গুৰুতৰভাৱে আহত কৰি সমীপৰ এটা মন্দিৰত নিশাটো কটালে অভিযুক্ত পত্নীয়ে ৷ ইয়াৰ পাচতে তেজেৰে লুতুৰী-পুতুৰী অৱস্থাত স্বামী বিজয় শৰ্মাক উদ্ধাৰ কৰে স্থানীয় লোকে ৷
ডবকাত স্বামীক আক্ৰমণ পত্নীৰ
জানিব পৰা মতে, পাৰিবাৰিক কন্দলৰ বাবেই বিজয় শৰ্মা নামৰ লোকজনক আক্ৰমণ কৰে নিজ পত্নীয়ে ৷ ইতিমধ্যে অভিযুক্ত মহিলাগৰাকীক আটক কৰি জেৰা অব্যাহত ৰাখিছে ডবকা আৰক্ষী (Dabaka Police)য়ে ৷ ইফালে সংকটজনক অৱস্থাত গুৱাহাটী মেডিকেল কলেজ হাস্পতাল (GMCH)ত ভৰ্তি কৰোৱা হয় বিজয় শৰ্মাক ৷ ঘটনা সন্দৰ্ভত আৰক্ষীয়ে তদন্ত অব্যাহত ৰখা বুলি জানিব পৰা গৈছে ৷
লগতে পঢ়ক : কৰিমগঞ্জ আৰক্ষীৰ জালত বন মাফিয়া মিলি
