হোজাইত ভিক্ষা বৃত্তিত জড়িত কৰোৱা দুই কিশোৰক উদ্ধাৰ

ডবকা চহৰৰ এটা ভাড়াঘৰত ৰাখি চাৰিজনকৈ কিশোৰক ভিক্ষাবৃত্তিত নিয়োগ কৰিছিল মাইনুল আৰু ৰুহুল আমিনে ৷ ধিঙৰ পৰা ভিক্ষাবৃত্তিৰ ব্যৱসায় চলাই আহিছিল চক্ৰটোৱে ৷

হোজাই, 30 ছেপ্তেম্বৰঃ হোজাইত ভিক্ষা বৃত্তিত জড়িত কোৰোৱা দুই কিশোৰক উদ্ধাৰ ৷ ডবকা চহৰৰ এটা ভাড়াঘৰত ৰাখি চাৰিজনকৈ কিশোৰক ভিক্ষাবৃত্তিত নিয়োগ কৰিছিল মাইনুল আৰু ৰুহুল আমিনে ৷ ধিঙৰ পৰা ভিক্ষাবৃত্তিৰ ব্যৱসায় চলাই আহিছিল চক্ৰটোৱে ৷ মঙ্গলবাৰে ভিক্ষা কৰি থকা অৱস্থাতে ডবকাৰ এজন সাংবাদিকে কিশোৰ কেইজনক উদ্ধাৰ কৰি হোজাই জিলা আইনসেৱা প্ৰাধিকৰণক খবৰ দিয়ে ৷

ইয়াৰ পিছতেই আইনসেৱা প্ৰাধিকৰণৰ সম্পাদিকা প্ৰনিতা মৰাঙ, পেনেল অধিবক্তা ৰোহিনা ৱাৰিছ, চাইল্ড লাইন আৰু ডবকা আৰক্ষীয়ে কিশোৰ কেইজনক উদ্ধাৰ কৰি স্বাস্থ্য পৰীক্ষাৰ অন্তত শিশু সুৰক্ষা গৃহলৈ প্ৰেৰণ কৰে ৷ সম্প্ৰতি মাইনুল আৰু ৰুহুল আমিনৰ বিৰুদ্ধে ডবকা থানাত গোচৰ ৰুজু কৰিছে চাইল্ড লাইনে ৷ আৰক্ষীয়ে দোষীক বিচাৰি আৰম্ভ কৰিছে অভিযান ৷

লগতে পঢ়ক-নৱ নিযুক্ত ৰাষ্ট্ৰীয় সাধাৰণ সম্পাদক দীলিপ শইকীয়াক সম্বৰ্ধনা অসম ৰাজ্যিক বিজেপিৰ