হোজাই, 1 মে : কংগ্ৰেছৰ কোনো নেতা বিধায়ক দল এৰি নাযায় ৷ ডবকাৰ মোৰাঝাৰত এই দাবী কংগ্ৰেছ সাংসদ প্ৰদ্যুৎ বৰদলৈৰ ৷ সাংসদগৰাকীয়ে লগতে কয় যে, "মোৰ বিৰুদ্ধে তথা প্ৰাক্তন মন্ত্ৰী ৰকিবুল হুছেইনৰ বিৰুদ্ধে অপপ্ৰচাৰ চলিছে (There is propaganda against Congress says Pradyut Bordoloi) ৷ কংগ্ৰেছৰ কোনো নেতা-বিধায়ক দল এৰি ক'তো নাযায় ৷"
উল্লেখ্য যে, হোজাই জিলাৰ যমুনামুখ সমষ্টিৰ অন্তৰ্গত মোৰাঝাৰ জামে মছজিদত শনিবাৰে কংগ্ৰেছৰ উদ্যোগত এক সমূহীয়া ইফতাৰ অনুষ্ঠানৰ আয়োজন কৰা হৈছিল ৷ সমূহীয়া ইফতাৰ অনুষ্ঠানত উপস্থিতি হৈ সাংসদগৰাকীয়ে সকলোকে পৱিত্ৰ ৰমজান আৰু ঈদৰ শুভেচ্ছা জ্ঞাপন কৰে ৷
তেওঁ ইফতাৰ অনুষ্ঠানটোত বিজেপি মিত্ৰজোঁটৰ চৰকাৰকো কঠোৰ ভাষাৰে সমালোচনা কৰে ৷ মূল্যবৃদ্ধিৰ কাৰণে তেওঁ বৰ্তমানৰ চৰকাৰ জগৰীয়া কৰে ৷ বিশেষকৈ ঈদৰ সময়ত অত্যাৱশ্যকীয় সামগ্ৰীৰ মূল্যবৃদ্ধি সন্দৰ্ভত চৰকাৰৰ ব্যৰ্থতা বুলি মন্তব্য কৰে ৷ তেওঁ কয় যে,- "চৰকাৰে মূল্যবৃদ্ধি ৰোধ কৰাৰ বাবে বিষয়টো গুৰুত্ব সহকাৰে ল’ব লাগে ৷"
উল্লেখ্য যে, মোৰাঝাৰ মণ্ডল কংগ্ৰেছৰ উদ্যোগত মোৰাঝাৰ বজাৰ জামে মছজিদত আয়োজিত ইফতাৰত উপস্থিত হৈ সাধাৰণ ৰাইজৰ সৈতে ইফতাৰৰ আমেজ লৈ সুখ অনুভৱ কৰা বুলি কয় বৰদলৈয়ে (Assam MP Pradyut Bordoloi at Doboka) ৷ এই ইফতাৰৰ সময়ত ৰাইজৰ লগতে সমূহীয়া দোৱাত ভাগ লয় সাংসদগৰাকীয়ে ৷ ইফালে, উক্ত অনুষ্ঠানত কংগ্ৰেছ দলৰ যুৱ নেতা ৰেহান উদ্দিনকে আদি কৰি কেইবা শতাধিক লোক উপস্থিত থাকে ৷
লগতে পঢ়ক : কংগ্ৰেছ দল এতিয়াও নিশেষ হৈ যোৱা নাই : গৌৰৱ গগৈ
