হোজাই, 21 জুলাইঃ শেহতীয়াকৈ চৰ্চাৰ মাজলৈ আহিছে হোজাইৰ লংকাৰ এটা কোৱাৰেন্টাইন চেন্টাৰ ৷ এই কোৱাৰেন্টাইন চেন্টাৰত চলি আছে আজৱ ঘটনা ৷ ক'ভিড ৰোগীলৈ কাপোৰৰ লগতে বিভিন্ন সামগ্ৰীৰ আদান প্ৰদান চলি আছে ঘৰৰ পৰা ৷ হোজাইৰ লংকাত এটা বিবাহ ভৱনক চৰকাৰে ৰূপান্তৰ কৰিছিল কোৱাৰেন্টাইন চেন্টাৰলৈ ৷ এই কোৱাৰেন্টাইন চেন্টাৰটোৰ ক'ভিড-ৰোগী আৰু পৰিয়ালৰ ওপৰত অভিযোগ উত্থাপন কৰিছে স্থানীয় ৰাইজে ৷ কাৰণ কোৱাৰেন্টাইন চেন্টাৰৰ ওপৰৰ মহললৈ ৰছীৰ সহায়েৰে ক'ভিড-ৰোগীক বিভিন্ন সামগ্ৰী আদান-প্ৰদান কৰিছে পৰিয়ালৰ লোকে ৷
এনেদৰে সামগ্ৰী আদান-প্ৰদানৰ জৰিয়তে ক'ভিড-ৰোগীৰ পৰিয়ালৰ লোকলৈ কৰ'ণা ভাইৰাছ সংক্ৰমণ হোৱাৰ আশংকা প্ৰকাশ কৰিছে স্থানীয় ৰাইজে ৷ এই ক্ষেত্ৰত বিহিত ব্যৱস্থা গ্ৰহণ কৰিবলৈ হোজাই জিলা প্ৰশাসনক দাবী জনাইছে স্থানীয় ৰাইজে ৷
লগতে পঢ়কঃকৰ'ণাত আক্ৰান্ত অসমীয়া চলচ্চিত্ৰৰ জনপ্ৰিয় অভিনেত্ৰী গীতাৱলী ৰাজকুমাৰী
