হোজাই, 6 ডিচেম্বৰঃ হিন্দুত্ববাদী নেতা সত্যৰঞ্জন বৰাই দেওবাৰে বদৰুদ্দিন আজমলৰ বিৰুদ্ধে হোজাই থানাত ৰুজু কৰিছে এক গোচৰ । ইতিমধ্যে হাজাই থানাত 848/20 নম্বৰত ৰুজু হৈছে এই গোচৰ ।
কটকটীয়া নিৰাপত্তা মাজেৰে আজি হোজাই থানাত উপস্থিত হয় প্ৰায়ে বিৰ্তকত থকা হিন্দুকত্ববাদী নেতা সত্যৰঞ্জন বৰা ৷ থানাত উপস্থিত হৈ বিদেশৰ সন্ত্ৰাসবাদী সংগঠনৰ লগত সুসম্পৰ্ক থকা সংস্থাৰ পৰা আজমল ফাউণ্ডেচনলে ধন অহাৰ অভিযোগত ৰুজু কৰে এই গোচৰ ।
বদৰুদ্দিন আজমলৰ বিৰুদ্ধে গোচৰ তৰিলে সত্যৰঞ্জন বৰাই
জানিব পৰা মতে স্বেচ্ছাসেৱী সংস্থা মৰ্কজুল মা আৰিফ আৰু বদৰুদ্দিন আজমলৰ বিৰুদ্ধে ৰুজু কৰা হৈছে এই গোচৰ ৷ সত্যৰজন বৰাই সাংবাদিকক সম্বোধন কৰি কয়, আজমল CSRৰ দ্বাৰা পৰিচালিত হয় স্বেচ্ছাসেৱী সংস্থা মৰ্কজুল মা আৰিফ।
লগতে পঢ়কঃ কাইলৈ প্ৰথম পৰ্যায়ৰ বিটিচি নিৰ্বাচন,কটকটীয়া কৰা হৈছে নিৰাপত্তা
