বাবৰি মছজিদ প্ৰতিষ্ঠা কৰিলে আমিও সহায় সহযোগ কৰিমঃ ৰাজেন গোঁহাই

"বাবৰি মছজিদ প্ৰতিষ্ঠা কৰিলে আমিও সহায় সহযোগ কৰিম" হোজাই জিলাৰ লংকা লংকেশ্বৰী নাট্য মন্দিৰত উপস্থিত হৈ এই মন্তব্য কৰিলে প্ৰাক্তন ৰেল ৰাজ্যিক মন্ত্ৰী ৰাজেন গোঁহাইয়ে ৷

হোজাই, 5 আগষ্ট : "বাবৰি মছজিদ প্ৰতিষ্ঠা কৰিলে আমিও সহায় সহযোগ কৰিম" হোজাই জিলাৰ লংকা লংকেশ্বৰী নাট্য মন্দিৰত উপস্থিত হৈ এই মন্তব্য কৰিলে প্ৰাক্তন ৰেল ৰাজ্যিক মন্ত্ৰী ৰাজেন গোঁহাইয়ে ৷ অযোধ্যাৰ ৰাম মন্দিৰৰ ভূমি পূজনৰ লগত সংগতি ৰাখি লংকা বিজেপি টাউন মণ্ডলে লংকেশ্বৰী নাট্য মন্দিৰত আয়োজন কৰা পূজাত অংশ গ্ৰহণ কৰে ৰাজেন গোঁহাইয়ে ৷ ৫০০ তকৈ অধিক বছৰৰ কাল অপেক্ষাৰ অন্ততঃ দেশবাসীয়ে যি বিচাৰিছিল সেয়া আজি পাৱলৈ সক্ষম হৈছে তথা দেশবাসী আনন্দত আত্মহাৰা হৈছে বুলি মত ব্যক্ত কৰে জ্যেষ্ঠ বিজেপি নেতাগৰাকীয়ে । আজি ৰাম মন্দিৰৰ ভূমি পূজনে ভাৰত বৰ্ষত পুনৰ এবাৰ হিন্দু সংস্কৃতি প্ৰতিষ্ঠা হ'ল বুলিও উল্লেখ কৰে নেতাগৰাকীয়ে ৷

তদুপৰি বাবৰি মচজিদ সন্দৰ্ভত মন্তব্য প্ৰকাশ কৰি নেতাগৰাকীয়ে কয় যে, "আমাৰ চৰকাৰে মাটি দিছে, প্ৰতিষ্ঠা কৰাটো তেওঁলোকৰ কথা । প্ৰতিষ্ঠা কৰিলে আমিও সহায় সহযোগ কৰিম । "

উল্লেখ যে, বুধবাৰে অযোধ্যাত প্ৰধানমন্ত্ৰী নৰেন্দ্ৰ মোদীয়ে ৰাম মন্দিৰৰ ভূমিপূজন সম্পন্ন কৰে ৷ উক্ত অনুষ্ঠানত আৰ এছ এছ প্ৰমুখ মোহন ভাগৱৎ, উত্তৰ প্ৰদেশৰ মুখ্যমন্ত্ৰী যোগী আদিত্য নাথো উপস্থিত থাকে ৷ আজিৰ এই ভূমিপূজন অনুষ্ঠানত কৰ‘ণা মহামাৰীৰ ভয়াৱহতাৰ প্ৰতি লক্ষ্য ৰাখি 1980 ৰ দশকত আৰম্ভ হোৱা আন্দোলনত অংশগ্ৰহণ কৰা নেতা সকলৰ লগতে আমন্ত্ৰিত অতিথিৰ তালিকা 175 গৰাকীতে সীমিত ৰখা হয় ৷

লগতে পঢ়ক : প্ৰসিদ্ধ সংগীতশিল্পী এচ.পি.বালাসুব্ৰমনিয়ামৰ দেহত কৰ'ণা ভাইৰাছ