হোজাই, 4 জুলাইঃ হোজাইৰ কাকীত স্বাৱ পৰীক্ষা নকৰোৱাকৈয়ে কৰ'ণা পজিটিভ পালে এগৰাকী লোকৰ দেহত । 2 নং কাকী ঠাইচুপাৰ পঞ্চায়তৰ ভাৰপ্ৰাপ্ত সচিব সম্ভূৰাম সুত নামৰ লোকগৰাকীয়ে জানিবলৈ দিয়া অনুসৰি,তেওঁ এই পৰ্যন্ত কৰ'ণা পৰীক্ষাৰ বাবে দিয়া নাই কোনো স্বাৱৰ নমুনা । তৎসত্বেও তেওঁৰ দেহত কৰ'ণাৰ অৱস্থিতি পোৱা বুলি জনাৰ পিচত সম্প্ৰতি শংকিত পৰিছে লোকজন ।
উল্লেখ্য যে,যোৱা 25 জুনত 2 নং কাকী আদৰ্শ হাইস্কুলত এটা কোৱাৰেণ্টাইন কেন্দ্ৰ স্থাপন কৰি 50 গৰাকী লোক থকাৰ ব্যৱস্থা কৰা হৈছিল গাঁও পঞ্চায়তৰ কৰ্মকৰ্তাৰ লগতে, স্থানীয় কেইবাগৰাকীও লোকৰ সহযোগত । যাৰ বাবে সেই কেন্দ্ৰটোৰ লগত জড়িত হৈ থকা পঞ্চায়তৰ লোককে ধৰি কেইবাগৰাকীও লোকৰ স্বাৱ পৰীক্ষাৰ ব্যৱস্থা কৰা হৈছিল 1নং কাকী উপ স্বাস্থ্যকেন্দ্ৰত । কিন্তু উক্ত দিনটোত ব্লকত থকা কোনো জৰুৰী সভাৰ বাবে আহিব পৰা নাছিল পঞ্চায়তৰ ভাৰপ্ৰাপ্ত সচিব সম্ভূৰাম সুত । কোনো খেলিমেলিৰ বাবে স্বাৱ পৰীক্ষা নকৰোৱাকৈয়ে লোকজনৰ দেহত কৰ'ণাৰ অৱস্থিতি পোৱা বুলি জানিবলৈ দিয়ে পঞ্চায়তৰ কৰ্মকৰ্তাসকলে ।
লগতে পঢ়কঃ কলিয়াবৰত অচিন ৰোগত আক্ৰান্ত যুৱক
