হাজো, 18 আগষ্টঃ হাজোৰ দিহিনাত শোকাৱহ ঘটনা । মৰাজান নৈত গা ধুবলৈ গৈ সলিল সমাধি নিভা দাস নামৰ কিশোৰী গৰাকীৰ ৷ ঘৰৰ সমীপতে থকা মৰাজান নৈত সমনীয়াৰ সতে গা ধুবলৈ গৈছিল কিশোৰী গৰাকী । সমনীয়া দুগৰাকীক নদীৰ পাৰত থিয় কৰাই মৰাজান নৈত অকলে গা ধুবলৈ নামিছিল নিভা দাস ৷ তাৰ কিছুসময় পাচতে নৈৰ পানীত সন্ধানহীন হৈ পৰিছিল কিশোৰী গৰাকী ৷ সমনীয়া দুগৰাকীয়ে পৰিয়ালক খবৰ দিয়াত পৰিয়ালৰ লোকসহ স্থানীয় ৰাইজ উপস্থিত হৈ উদ্ধাৰ অভিযান চলাই কিশোৰীগৰাকীৰ মৃতদেহ উদ্ধাৰ কৰে ৷ কিশোৰীগৰাকীৰ মৃত্যুত সমগ্ৰ অঞ্চলজুৰি শোকৰ ছাঁ পৰিছে ৷
হাজোত গা ধুবলৈ গৈ সলিল সমাধি কিশোৰীৰ
