হোজাই, 11 জানুৱাৰী : নগাঁৱৰ ৰাঙলু কাৰ্বি মিশ্বন স্কুলত সোমবাৰে সন্ধিয়া সংঘটিত হয় ভয়ংকৰ অগ্নিকাণ্ডৰ ঘটনা। অগ্নিকাণ্ডৰ ফলত জাহ যায় কেইবা লক্ষাধিক টকাৰ সা-সম্পত্তি । অগ্নিকাণ্ডৰ সুত্ৰপাত হোৱাৰ পাছতে খবৰ দিয়া হয় অগ্নি নিৰ্বাপক বাহিনীক ৷ ঘটনাৰ খবৰ লাভ কৰিয়েই ঘটনাস্থলীত উপস্থিত হয় নগাঁও আৰু কামপুৰৰ কেইবাখনো অগ্নি নিৰ্বাপক বাহিনীৰ গাড়ী ৷ ৰৰ্বতী সময়ত অগ্নি নিৰ্বাপক বাহিনীয়ে জুই নুমোৱাবলৈ সক্ষম হয় । এই অগ্নিকাণ্ডৰ ফলত কথমপি ৰক্ষা পৰে বিদ্যালয়খনৰ হোষ্টেলত থকা শতাধিক শিক্ষাৰ্থী ।
ইফালে অগ্নিকাণ্ডৰ প্ৰকৃত কাৰণ জানিব পৰা হোৱা নাই যদিও বৈদ্যুতিক শ্বৰ্ট চাৰ্কিটৰ বাবে অগ্নিকাণ্ড সংঘটিত হোৱাৰ সন্দেহ প্ৰকাশ কৰিছে স্কুলৰ কতৃপক্ষ তথা স্থানীয় ৰাইজে ।
লগতে পঢ়ক: বাৰ্ড-ফ্লুক লৈ ৰাজ্যবাসী আতংকিত হোৱাৰ প্ৰয়োজন নাইঃ অসম পশুধন নিগম
