মাস্ক বিতৰণৰ নামত ভংগ হ'ল লক্ ডাউন

যি সময়ত প্ৰশাসনৰ লোকে লক্ ডাউন সফল কৰি তুলিবলৈ অহৰহ চেষ্টা চলাই আহিছে সেই সময়ত লংকাত প্ৰশাসনৰ লোকে লক্ ডাউন ভংগ কৰি পাতিলে সভা ৷ মাস্ক বিতৰণৰ বাবে আয়োজন কৰা কাৰ্যসূচীত উপস্থিত বিধায়ক শিলাদিত্য দেবৰ লগতে প্ৰশাসনৰ লোক ৷

হোজাই, 3 মে' : হোজাই জিলাৰ লংকাত প্ৰশাসনৰ আজৱ কাণ্ড ৷ লংকাৰ 7 নং ৱাৰ্ডত হোজাই জিলা বিজেপি যুৱ মৰ্চাই মাস্ক বিতৰণ বাবে লক্ ডাউন ভংগ কৰি পাতিলে সভা ৷

প্ৰশাসনৰ নীতি-নিৰ্দেশনাক অমান্য কৰি উক্ত কাৰ্যসূচীত উপস্থিত থাকে বিধায়ক শিলাদিত্য দেব, অতিৰিক্ত উপায়ুক্ত গৰ্গ মোহন দাস, ভাৰপ্ৰাপ্ত আৰক্ষী বিষয়া বিশ্বজ্যোতি শৰ্মা আৰু বিজেপিৰ বহু নেতা-পালিনেতা ৷

যি সময়ত কৰ'ণা ভাইৰাছৰ সক্ৰমণ ৰোধৰ বাবে দেশত অব্যাহত আছে লক্ ডাউন সেই সময়তে প্ৰশাসনৰ লোকে লক্ ডাউন ভংগ কৰাক লৈ চিন্তিত হৈ পৰিছে সচেতন মহল ৷

আনকি উক্ত বিষয় সন্দৰ্ভত সাংবাদিকে বিধায়ক শিলাদিত্য দেবক প্ৰশ্ন কৰাত বিধায়ক গৰাকীয়ে এৰা-ধৰাৰ মাজেৰে চলিব লাগিব বুলি মন্তব্য প্ৰদান কৰে ৷

লগতে পঢ়ক : অৰুণাচলৰ পৰা খোজকাঢ়ি জোনাইত উপস্থিত অসমৰ শ্ৰমিক