লামডিং, 25 আগষ্ট: ৰাজ্য চৰকাৰ আৰু আৰক্ষীৰ কঠোৰ স্থিতিক ভেঙুচালি কৰি অসাধু চক্ৰই ৰাজ্যত ড্ৰাগছৰ চোৰাং বেহা অব্যাহত ৰাখিছে (Brown sugar seized )৷ লামডিঙত ৰে'লৰ দবাত আৰ পি এফৰ অভিযান বৃহৎ পৰিমাণৰ ব্ৰাউন ছুগাৰ জব্দ কৰা হয় (Lumding RPF seized Brown sugar )৷
গুৱাহাটী-লামডিং ৰে'লৱে সুৰক্ষা বাহিনী (আৰ পি এফ)ৰ এটা টহলদাৰী দলে ১৫৬২৫ উজনিমুৱা দেওগড়-আগৰতলা এক্সপ্ৰেছৰ এটা এ চি দবাৰ শৌচাগাৰত থকা এটা পৰিত্যক্ত বেগৰ পৰা ৫৭ টা চাবোনৰ বাকচত প্ৰায় ৭৫৫ গ্ৰাম ব্ৰাউন ছুগাৰ উদ্ধাৰ কৰে (RPF Seized brown sugar)৷
উদ্ধাৰ কৰা ব্ৰাউন ছুগাৰখিনিৰ বজাৰ মূল্য ৭৫ লাখ টকাৰো অধিক হ'ব বুলি ৰে'লৱে সুৰক্ষা বাহিনীয়ে জানিবলৈ দিয়ে (Brown sugar worth over Rs 75 lakh ) ৷ আৰ পি এফৰ অভিযানকাৰীয়ে এই সংক্ৰান্তত অৱশ্যে এতিয়ালৈকে কোনো লোকক আটক কৰিব পৰা নাই ৷
উল্লেখযোগ্য যে বিগত সময়ত ৰাজ্য চৰকাৰে ড্ৰাগছৰ বিৰুদ্ধে কঠোৰ স্থিতি গ্ৰহণ কৰাৰ ফলত আৰক্ষীয়ে বৃহৎ পৰিমাণৰ ড্ৰাগছ জব্দ কৰাৰ লগতে দাহনো কৰিছে ৷ তথাপিও এনেদৰে ৰে'লত বৃহৎ পৰিমাণৰ ব্ৰাউন ছুগাৰ উদ্ধাৰ হোৱা ঘটনাই ৰে’ল বিভাগৰ উচ্চ পদস্থ বিষয়া তথা ৰে'ল আৰক্ষীৰ শিথিলতাক লৈ প্ৰশ্ন উত্থাপন কৰিছে সচেতন ৰাইজে ৷
লগতে পঢ়ক:বোকাজানত বিদ্ৰোহী সংগঠন আনলাৰ বুজন পৰিমাণৰ অস্ত্ৰ সম্বৰণ
