হোজাইত পথ দুৰ্ঘটনাত আহত তিনি

হোজাই জিলাৰ ডবকাত সংঘটিত হয় এক পথ দুৰ্ঘটনা ৷ দুৰ্ঘটনাটোত আহত হয় তিনিজনকৈ লোক ৷ আহতসকলক ভৰ্তি কৰা হয় চিকিৎসালয়ত ৷

হোজাই,19মাৰ্চ : আজি হোজাই জিলাৰ ডবকাত সংঘটিত হয় এক পথ দুৰ্ঘটনা । নগাঁৱৰ পৰা হোজাইলৈ গৈ থকা সময়তে AS- 03- M 1251 নম্বৰৰ এখন জাইল' বাহনে আন এখন ই-ৰিক্সাত প্ৰচণ্ড জোৰে খুন্দা মাৰে ৷ যাৰ ফলত এই পথ দুৰ্ঘটনাটো সংঘটিত হয় ।

দুৰ্ঘটনাটো সংঘটিত হোৱাৰ সময়ত ই-ৰিক্সাত খন কিছু দূৰলৈ চিটিকি পৰে আৰু ই-ৰিক্সাত থকা তিনিজনকৈ যাত্ৰী আঘাতপ্ৰাপ্ত হয় ৷ স্থানীয় ৰাইজে আহতসকলক উদ্ধাৰ কৰি ততাতৈয়াকৈ চিকিৎসালয়লৈ প্ৰেৰণ কৰে ৷ বৰ্তমান ঘটনাস্থলীত ডবকা আৰক্ষী উপস্থিত হৈ তদন্ত আৰম্ভ কৰিছে।

অন্য এক খবৰৰ বাবে: জনীয়াৰ মহাজোঁটৰ প্ৰাৰ্থী ড° ৰফিকুল ইছলামৰ মনোনয়ন দাখিল