হোজাই,5জুলাইঃ হোজাই জিলাৰ ডবকাত লক ডাউনৰ নামত ৰাইজক অত্যাচাৰ কৰাৰ অভিযোগ উত্থাপন হৈছে ৷ হোজাইৰ এগৰাকী সহকাৰী আয়ুক্তই চি আৰ পি এফ বাহিনী লগাই জধে-মধে মাৰধৰ কৰে ৰাইজক ৷ জানগামিৰ ৰঙগাৰফাই নামৰ সহকাৰী আয়ুক্ত গৰাকীয়ে চি আৰ পি এফ বাহিনীক লগত লৈ এই কাণ্ড সংঘটিত কৰে ৷
ইপিনে বাতৰি সংগ্ৰহ কৰিবলৈ যোৱা সাংবাদিকো আক্ৰমণৰ বলি হ‘ব লগা হয় ৷ এটা ৰাষ্ট্ৰীয় সংবাদমাধ্যমৰ ডবকাৰ স্থানীয় সাংবাদিককো প্ৰহাৰ কৰাৰ অভিযোগ উঠিছে ৷ ঘটনাৰ সৰ্ন্দভত ইতিমধ্যে সাংবাদিক জনে সহকাৰী আয়ুক্ত গৰাকীৰ লগতে চাৰি জন চি আৰ পি এফ জোৱানৰ বিৰুদ্ধে গোচৰ তৰিছে ৷ ডবকা আৰক্ষীয়ে 220/2020 U/S 325/427/32 ধাৰাত গোছৰ পঞ্জীয়ন কৰি তদন্ত আৰম্ভ কৰিছে বুলি জানিব পৰা গৈছে । আনহাতে এই ঘটনাই ডবকাত ব্যাপক প্ৰতিক্ৰিয়াৰ সৃষ্টি কৰাৰ লগতে ঘটনাৰ উচিত তদন্তৰ দাবী জনাইছে বিভিন্ন দল সংগঠনৰ লগতে প্ৰেছ ক্লাবে।
লগতে পঢ়কঃ পাঁচ শতাধিক লোকৰ বি পি এফত যোগদান
