হােজাই, ৫ মাৰ্চ: হোজাই জিলাৰ উপায়ুক্ত তথা জিলা নির্বাচনী বিষয়া ড০ সদনেক সিঙে শুক্ৰবাৰে COVID-১৯ৰ প্ৰতিষেধক গ্ৰহণ কৰে । এই প্ৰতিষেধক গ্ৰহণ কৰি তেওঁ কয় যে, COVID-১৯ৰ প্রতিষেধক সকলােৱে গ্রহণ কৰাটো অতি উচিত আৰু ইয়াৰ কোনো ধৰণৰ পার্শক্রিয়া নাই ।
সেয়ে শংকিত হোৱাৰ প্ৰয়োজন নাই । ইয়াৰ উপৰিও জিলা উপায়ুক্তগৰাকীয়ে বিধানসভা নির্বাচনৰ বাবে কাম কৰি থকা হোজাইৰ সকলো বিষয়া, কর্মচাৰীক এই প্রতিষেধক গ্ৰহণ কৰিবলৈ আহ্বান জনায় ।
এই তথ্যসমূহ এক প্ৰেছ বিজ্ঞপ্তিৰ জৰিয়তে হােজাই জনসংযােগ বিভাগে জানিবলৈ দিয়ে । উল্লেখ্য যে, এইবাৰ COVID-১৯ৰ প্ৰ'ট'কল মানিহে নিৰ্বাচন অনুষ্ঠিত কৰা হ'ব বুলি নিৰ্বাচনী আয়োগে ঘোষণা কৰিছে । এই সন্দৰ্ভত প্ৰশাসনে যাৱতীয় সকলো ব্যৱস্থা গ্ৰহণ কৰা হৈছে ।
